ලලිත් චාමින්ද –
රුහුණු විශ්වවිද්‍යාලයේ අධ්‍යයන කාර්යමණ්ඩලය සදහා වාර්ෂිකව පර්යේෂණ දිමනා ලෙස මිලියන 236ක මුදලක් ගෙවා තිබුනද සිදුකර තිබු පර්යේෂණ හා එවායේ ප්‍රථිපල ජනතාව වෙත සන්නිවේදනය වි නොතිබු බව ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.
රුහුණු විශ්වවිද්‍යාලයේ 2020 වර්ෂයේ දෙසැම්බර් මස 31 දිනෙන් අවසන් වර්ෂය සඳහා එහි මුල්‍ය කාර්යසාධනය සම්බන්ධයෙන් ජාතික විගණන කාර්යාලය මගින් මෙම වාර්තාව නිකුත්කොට තිබුණි.
එමෙන්ම දැනට විශ්වවිද්‍යාලය තුළ සේවය නොකරණ අධ්‍යයන කාර්යමණ්ඩලයේ නිලධාරින් 04 දෙනෙකු වෙත ගෙවා තිබු රුපියල් 858,745ක් පර්යේෂණ දිමනාවලට අදාළ පර්යේෂණ වාර්තා ඉදිරිපත්කර නොතිබු බවද විගණනය මගින් අනාවරණය කොට ඇත.
තවද 2018 හා 2019 වර්ෂවල ආචාර්යවරුන් 26 දෙනෙකු වෙත ලබාදී තිබු රුපියල් 3149,340ක් වු පර්යේෂණ අත්තිකාරම් මුදල් 2020 වර්ෂය අවසාන වන විටත් පියවිමට කටයුතුකර නොතිබුණු බවද විගණන වාර්තාවේ සඳහන් වේ.
එමෙන්ම 2014 වර්ෂයේ සිට 2020 වර්ෂය දක්වා චක්‍රලේඛ උපදෙස් ප්‍රකාර පර්යේෂණ යෝජනා අනුමත කරවා නොගෙන විශ්වවිද්‍යාල අධ්‍යයන කාර්යමණ්ඩලය සදහා පර්යේෂණ දීමනා ගෙවා තිබු බව ද විගණන වාර්තාවේ සඳහන් වේ.
විගණනය මගින් දක්වා ඇති විගණන නිරික්ෂණ සම්බන්ධයෙන් කළමණාකාරිත්වයේ අදහස් දැක්වීමේ දී සඳහන්කොට ඇත්තේ පර්යේෂණ ප්‍රතිඵල පත්‍රිකා ප්‍රකාශකිරීම නිරන්තරයෙන් සිදුවන බවය. එම පර්යේෂණ ප්‍රතිඵල මත අදාළ සිසුන් හෝ ආචාර්යවරුන් තවදුරටත් එම කටයුතු කරගෙන යන බවය.
එමෙන්ම නොපියවූ අත්තිකාරම් වහාම පියවීමට උපදෙස් ලබාදී ප්‍රමාදවීම සම්බන්ධයෙන් විමසා ලිපි යොමුකර ඇති බව ද කළමණාකාරිත්වය විසින් විගණනයට ප්‍රකාශකොට ඇත.
විශ්වවිද්‍යාලය තුළ සේවය නොකරන අධ්‍යයන කාර්යමණ්ඩලයේ නිලධාරින් 04 දෙනෙකු වෙත ගෙවා තිබු රුපියල් 858,745ක් පර්යේෂණ දිමනාව සම්බන්ධයෙන් කළමණාකාරිත්වය විගණනයට ප්‍රකාශකොට ඇත්තේ මෙම නිලධාරින් රුහුණු විශ්වවිද්‍යාලයේ සේවයේ යෙදී සිටියදී පර්යේෂණ යෝජනාව ඉදිරිපත්කර පර්යේෂණ දීමනා ලබාගෙන ඇති බවය.
ඔවුන් ස්ථාන මාරුවි ගිය අවස්ථාවේ සිට ගෙවිම් නතරකොට ඇති බවද සදහන්කොට ඇත. පර්යේෂණ දිමනා ගෙවා ඇත්තේ චක්‍රලේඛ ප්‍රකාරව බව ද කළමණාකාරිත්වය විසින් විගණනයට ප්‍රකාශකොට ඇත.
උසස් අධ්‍යාපන චක්‍රලේඛ අංක 1/2011 සහ 1/2011 (1) අදාළකරගතයුතු බවට විශ්ව විද්‍යාප ප්‍රතිපාදන කොමිසම් සභා චක්‍රලේඛ අංක 5/2014 (1) අනුව උපදෙස් දි ඇති බැවින් ඒ අනුව අදාල පර්යේෂණ දිමනා ගෙවා ඇති බවය.
කෙසේවුවද මේ සම්බන්ධව විගණනය මගින් ඉදිරිපත්කොට ඇති නිර්දේශවල සඳහන් වන්නේ පර්යේෂණයක ප්‍රතිඵල ප්‍රකාශනයක පළකිරිම පමණක් ප්‍රමාණවත් නොවන බවය. එවායේ ප්‍රතිඵල ජනතාව වෙත සන්නිවේදනය කිරීමට වැඩපිළිවෙළක් ස්ථාපිත කළයුතු බවය.
2/2014 චක්‍රලේඛනය පදනම්කරගෙන පර්යේෂණ දීමනා ගෙවීමට ක්‍රියාකළ යුතු බවද විගණනය මගින් ඉදිරිපත්කොට ඇති නිර්දේශවල සදහන් වේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
එමෙන්ම පර්යේෂණ දීමනා ලබාගන්නා සියලුම නිලධාරින්ගෙන් පර්යේෂණ වාර්තා ලබාගැනීමට ක්‍රියා කළයුතු බව ද විගණනය මගින් අනාවරණය කොට ඇත.