දිනසේන රතුගමගේ –
වවුනියාවේ නයිනමඩු ප්රදේශයේ අක්කර 500 ක භූමියක සීනි කර්මාන්ත ශාලාවක් අළුතින් ආරම්භ කිරීමට තායිලන්ත සමාගමක් ඉදිරිපත් වී සිටියි.
අක්කර 500 ක භූමිය තුළ අළුතින් උක් වගා කිරීමටත් එම භූමිය තුළ සීනි කර්මාන්ත ශාලාව ආරම්භ කිරීමටත් 2018 වසරේදී මූලික කටයුතු ආරම්භ කළත් එවකට ඉදිරිපත් වූ සීනි නිෂ්පාදන සමාගමක් ඔවුන්ගේ අදහස අත් හරීම නිසා මෙම කර්මාන්ත ශාලවා පිහිටුවීම නවතා දමන ලදී.
මේ සම්බන්ධයෙන් කැමැත්තක් දක්වා ඇති තායිලන්ත සමාගමක් අක්කර 500ක භූමියේ වගා කරණ උක්දඩුවලට අමතරව වවුනියාවේ සෙසු පළාත් වල ගොවීන්ද උක් වගා කිරීම සඳහා පොළඹවා ඔවුන්ගෙන් උක්දඬු මිලට ගැනීමටද බලාපොරොත්තු වෙයි.
වවුනියාවේ නයිනමඩු ප්රදේශයේ ඉදිකිරීමට යෝජිත සීනි කම්හල සම්බන්ධයෙන් Ceylon Sugar Industries Holdings (Pvt.) Ltd සමාගම තොරතුරු හෙළි කිරීමෙන් පසුව තායිලන්තයේ Sutech Engineering නැමති සමාගම මේ කටයුත්ත සදහා ඉදිරිපත් වී සිටියි.