ශ්‍රියානි විජේසිංහ –
ලංකා බැංකුවේ සහ මහජන බැංකුවේ කොටස්වලින් සියයට 20ක් විකිණීමට රජය තීරණය කර ඇතැයි ලංකා බැංකු සේවක සංගමය සඳහන් කරයි.
පාඩු ලබන ආයතනයන් කියමින් ලාභ ලබන රාජ්‍ය ආයතන විකිණීම් ආරම්භ කර ඇති බවත් පසුගිය වසරේදී ලංකා බැංකුව බිලියන 30ක්ද මහජන බැංකුව බිලියන 20ක්ද වශයෙන් ලාභ ලබා ඇති බවත් පෙන්වා දෙන සංගමයේ සභාපති චන්න දිසානායක මේ වසර තුළදී මෙම බැංකු දෙක රුපියල් බිලියන 20ට අධික ප්‍රමාණයක් ආණ්ඩුවට බදු ගෙවා ඇතැයිද සඳහන් කළේය
මිට අමතරව මෙතෙක් කලක් බුක්ති විඳි සාමුහික ගිවිසුම් ආණ්ඩුව තහනම් කර ඇතැයිද පෙන්වා දෙන සභාපතිවරයා රාජ්‍ය බැංකු විකිණීමට එරෙහිව ලබන 2දා බස්නාහිර පළාත තුළ සේවය කරන සියලුම රාජ්‍ය බැංකු නිලධාරීන් විහාරමහදේවී උද්‍යානයට පැමිණ විරෝධතාවක් පවත්වා ජනතාව දැනුවත් කිරීම ආරම්භ කරන බවද හෙතෙම පැවසුවේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මෙරට පාඩු ලබන කිසිම ආයතනයක් නොමැති බවත් ඇත්තේ පාඩු කරවපු ආයතනබවත් ඔහු පවසයි. සභාපති චන්න දිසානායක කියන්නේ රාජ්‍ය බැංකු ආණ්ඩුවේ දේපලක් නොව, ජනතාවගේ දේපලක් බවය.
