අඹන්පොළ ප්‍රාදේශීය රෝහල අද කොවිඩ් ඇසාදිතයන් සඳහා වෙන් කළ රෝහලක් ලෙස පරිවර්තනය වුනේය.
අද දහවල් ගම්පහ සහ පින්නවල ප්‍රදේශවලින් රෝගීන් හය දෙනෙක් අඹන්පොළ රෝහල ට රැගෙන විත් ප්‍රතිකාර ආරම්භ කරනු ලැබීය. මේ වන විටත් තවත් රෝගීන් රැගෙන එමින් පවතී.
රෝහල් පරිශ්‍රයේ පිටුපස දොරටුවෙන් රෝගීන් රෝහලට ඇතුල් කරගන්නා අතර, සාමාන්‍ය රෝගීන් සඳහා සුපුරුදු පරිදි බාහිර රෝගී අංශය විවුර්තව තැබේ.
දැනට වෛද්‍යවරු තිදෙනෙක් සහ රෝහල් කාර්‍යය මණ්ඩලය ප්‍රතිකාර කටයුතු සිදු කරන අතර රෝගීන් ගේ ප්‍රමාණය අනුව කාර්‍යමණ්ඩලය සුදුසු පරිදි වෙනස් කෙරෙනු ඇත.
අඹන්පොල රෝහල ඇඳන් 40කින් සමන්විත රෝහලකි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
මේ අතර සෞඛ්‍ය අමාත්‍යාංශ මාධ්‍යප්‍රකාශක විශේෂඥ වෛද්‍ය ජයරුවන් බණ්ඩාර අද මාධ්‍ය හමුවක දී ප්‍රකාශ කළේ දැනට කොවිඩ් ආසාදිතන් සඳහා රෝහල් 17ක් වෙන් කර ඇති බවත් රොගීන් සඳහා රජයේ රෝහල්වල ඇඳන් අවශ්‍ය ප්‍රමාණයට පවතින බවත් ඒ පිළිබඳව අනවශ්‍ය බියක් ඇති කරගත යුතු නැති බවත්ය.