රුපියල් 1900කට කොත්තු රොටියක් විකිණීමට ගොස් එය ප්‍රතික්ෂේප කළ විදේශිකයෙකුට බැණ වැදී පහත් ලෙස පළවා හරින තුට්ටු දෙකේ චණ්ඩියා පොලිස් අත් අඩංගුවට ගෙන තිබේ.
Emeka Iwueze නැමැති මෙම විදේශ ජාතිකයා විසින් ලංකාවේ සංචාරක අත්දැකීම් සම්බන්ධ වීඩියෝවක් පටිගත කරමින් කෙසෙල්වත්ත පොලිස් වසමේ අලුත්කඩේ ප්‍රදේශයේ ස්ට්‍රීට් ෆුඩ් අලෙවි සලකට ගිය අවස්ථාවේ දී ඔහු මෙම පීඩාකාරී අත්දැකීමට මුහුණ දෙන්නේය.
මේ කාලකණ්ණියාගේ මැර හැසිරීම සමාජ මාධ්‍ය ජාලාවල ප්‍රචාරය වූයේ දුටුවන් ලජ්ජාවට පත් කරමිනි. සංචාරක කර්මාන්තයෙන් ගොඩ එන්නට සැලසුම් කරන රටක මේ ජාතියේ ගොබ්බයින් කරන්නේ රටටම මහත් විනාශයක් බවට වූ සමාජ කථිකාව නිර්මාණය වූයේ මීට දින කීපයකට පෙර කළුතර දී විදේශිකයෙකුගෙන් උළුඳු වඩේකට සහ ප්ලේන්ටියකට රුපියල් දහසක් ඉල්ලා රටම කළු කළ ගොං වෙළෙන්දාගෙන් පසු දුටු මේ වීඩියෝවත් සමගය.
කෙසේ වෙතත් මේ වනවිට ඒම පුද්ගලයා විදේශිකයාට බැණ තර්ජනය කිරීම සම්බන්ධව පොලිසිය විසින් අත් අඩංගුවට ගෙන ඇත.
එසේ අත් අඩංගුවට ගෙන තිබුණේ කොළඹ 12 ප්‍රදේශයේ පදිංචි 51 හැවිරිදි පුද්ගලයෙකි. අත් අඩංගුවට ගත් පුද්ගලයා හෙට (17) අලුත්කඩේ මහේස්ත්‍රාත් අධිකරණයට ඉදිරිපත් කිරීමට නියමිතය.
සිද්ධිය සම්බන්ධව කෙසෙල්වත්ත පොලිසිය වැඩිදුර පරීක්ෂණ පවත්වයි.
LIFE යූ ටියුබ් නාලිකාවේ විකාශය වූ එම වීඩියෝව පහත දැක්වේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
