කොවිඩ් වසංගත සමයේදී රාජ්‍ය අංශයේ ක්‍රියාත්මක කරන ලද නිවසේ සිට වැඩ කිරීමේ වැඩපිළිවෙල සම්පූර්ණයෙන් සාර්ථක නොවූ බව ශ්‍රී ලංකා මහ බැංකුව පවසයි. තොරතුරු හා සන්නිවේදන තාක්ෂණ යටිතල පහසුකම් හා සාක්ෂරතාව සම්බන්ධ ගැටලු හේතුවෙන් එය සාර්ථක නොවූ බව මහ බැංකුව කරුණු පැහැදිලි කර තිබේ.
සිය නවතම වාර්ෂික වාර්තාවෙන් ශ්‍රී ලංකා මහ බැංකුව අවධාරණය කළේ COVID-19 අගුළු දැමීමේ හා ඇඳිරි නීතිය යටතේ ඊමේල් සන්නිවේදනය විධිමත් කළද, රාජ්‍ය අංශයේ බොහෝ රැකියා නිවසේ සිට ඉටු කිරීමට නුසුදුසු බැවින් උත්සාහය බලාපොරොත්තු වූ පරිදි සිදු නොවූ බවයි.
ඩිජිටල්කරණයේ වර්තමාන තත්ත්වය අනුව සාමාන්‍ය ජනතාවට සපයනු ලබන මහජන සේවාවන්ගෙන් බහුතරයක් පෞද්ගලිකව ඉටු කිරීමට අපේක්ෂා කිරීම හේතුවයි.
වර්තමානයේදී, ලේඛන කටයුතු හා ක්‍රියා පටිපාටිවලින් වැඩි ප්‍රමාණයක් තවමත් රාජ්‍ය අංශයේ ඩිජිටල්කරණය කර නොමැත. එබැවින් දුරස්ථ වැඩ කිරීමේ විධිවිධාන හේතුවෙන් සේවා ස්ථානයෙන් බැහැරව අදාළ කාර්යයන් ඉටු කිරීමේදී අතපසු වීම් හා අකාර්යක්ෂමතාවයන් ඇතිවිය හැකි බව මහ බැංකුව පවසයි.
“එවැනි විධිවිධානවලට අදාළ නියමයන් හා කොන්දේසි සම්බන්ධයෙන් නිසි නීති සම්පාදනය කරමින් නිවසේ සිට වැඩ කළ හැකි කර්මාන්ත, සමාගම්, රැකියා වර්ග සහ රැකියා කාර්යයන් පිළිබඳ පැහැදිලි හඳුනා ගැනීමක් සහ තක්සේරුවක් තිබිය යුතුය” යනුවෙන් එම වාර්තාවේ සඳහන් වේ.
තොරතුරු හා සන්නිවේදන තාක්ෂණ සාක්ෂරතා මට්ටම ඉහළ නැංවීම සඳහා සම්බන්ධීකරණ පියවර ගණනාවක් ඉටුකිරීම අත්‍යවශ්‍ය බව එම වාර්තාවේ දැක්වේ.
අවශ්‍ය අධීක්ෂණ මට්ටම, ප්‍රමාණවත් ලබා ගැනීමේ හැකියාව, භෞතික හා තොරතුරු හා සන්නිවේදන තාක්ෂණ යටිතල පහසුකම් සහ උපකරණවල ගුණාත්මකභාවය සහ සේවකයින්ගේ ජීවන තත්ත්වයන් අනුව එක් එක් සේවා සැපයීම් තක්සේරු කිරීම අවශ්‍ය වේ.
ජන සංගණන හා සංඛ්‍යාලේඛන දෙපාර්තමේන්තුවට අනුව (2020) ශ්‍රී ලංකාවේ පරිගණක හා ඩිජිටල් සාක්ෂරතාව සියයට 30.8 ක් සහ සියයට 46.0 ක් වේ. රාජ්‍ය සේවකයන්ගේ ඩිජිටල් සාක්ෂරතා අඩුපාඩු හේතුවෙන් නිවසේ සිට වැඩ කිරීම සැලකිල්ලට ගැනීමේදී දත්ත හා දත්තවල ආරක්ෂාව සම්බන්ධ තර්ජන වැඩිවීම පිළිගත යුතු බව ශ්‍රි ලංකා මහ බැංකුව අනතුරු අඟවයි.
දිගුකාලීන ව නිවසේ සිට වැඩ කිරීමේ විධිවිධාන අඛණ්ඩව පවත්වාගෙන යාම සඳහා, පුළුල් ජාල ආවරණයක් අවශ්‍ය බව ශ්‍රී ලංකා මහ බැංකුව අවධාරණය කළ අතර පරිගණක හා ඩිජිටල් සාක්ෂරතාව වැඩි දියුණු කළ යුතු බවද පවසා තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
තවද, දුරස්ථ වැඩ කිරීමේ විධිවිධානවලට සහාය වීම සඳහා අවශ්‍ය ජාල යටිතල පහසුකම් සහ සයිබර් ආරක්ෂාව වැඩි දියුණු කිරීම සහ ලේඛන කටයුතු ඩිජිටල්කරණය සහ අනුමත කිරීමේ ක්‍රියා පටිපාටි හරහා ඔන්ලයින් වැඩ කරන පරිසරයක් කරා සංක්‍රමණය වීම ද වැදගත් බව එම වාර්තාවේ දැක්වේ.