යූටියුබ්, ෆේස් බුක් අතුළු සමාජ මාධ්‍ය ජලා ඔස්සේ දැවැන්ත ප්‍රචාරයක් ගෙන යමින් අලුත උපන් දරුවන් විවිධ පුද්ගලයන් වෙත විකිණූ බව කියන සී.එස්.එන් නේෂන් ලංකා නැමැති ආයතනයක චරිත් උක්වත්ත නැමැති පුද්ගලයෙක් මාතලේ උකුවෙල ප්‍රදේශයේදී පොලිස් අත්අඩංගුවට ගෙන තිබේ.
ඔහුට එරෙහිව සාපරාධී අපරධායක් කිරීමේ චෝදනා යටතේ නඩු පරවන බව පොලිස් මාධ්‍ය ප්‍රකාශක අජිත් රෝහණ පැවසීය.
අතවරයට පත් වී ගැබ් ගත් තරුණ මවුවරුන් ගෙන්වා ඔවුන් තමන් භාරයේ රඳවා ගෙන දරුවා බිහි වූ පසු එම දරුවන් විකිණීම මොහු විසින් කර ඇත්තේ පසුගිය මැයි මස සිට ය.
මේ දක්වා දරුවන් 43 දෙනෙක් එක් දරුවෙක් ලක්ෂ 2ත් ලක්ෂ 1.5ත් අතර මුදලකට විකුණා ඇති බව පොලිස් ළමා හා කාන්තා කාර්‍යංශ ආරංචි මාර්ග හෙළිදරවු කළේය.
මෙම මුදලට අමතරව නීතිඥ ගාස්තු ලෙස රුපියල් පනස් හත් දහස් පන්සියයක මුදලක් ද ඔහු විසින් අය කෙරගෙන තිබේ.
තමන් මානුෂික ක්‍රියාන්විතයක නිරතවන බව පවසමින් මෙම තැනැත්තා මෙම දරුවන් දෙවන පාරශවයක් වෙත විකුණා ඇත්තේ දරුවන් හදා වඩා ගැනීමේ පනතේ සියලුම නීති රීති උල්ලංඝණය කරමින් දිවුරුම් පෙත්සමක් මගින් පමණක් තුන්වන පාර්ශවයට දරුවා පවරා දීමෙනි.
මේ තැනැත්තා මෙම ව්‍යාපාරය කරගෙන යෑම සඳහා මොරටුව කල්දමුල්ල හා දමහම් මාවතේ නිවාස දෙකක් පවත්වාගෙන ගොස් ඇත.
එම නිවාස තුළ ගැබිනි මවුවරුන් 12ක් මේ වනවිටත් සිට ඇත.
එක් නිවසක් සඳහා රුපියල් 45000ක් පමණ මුදලකුත් තවත් නිවසක් සඳහා රුපියල් 38000 මුදලකුත් මාසිකව ගෙවා ඇත්තේ දරුවන් මිලදී ගැනීමට අපේක්ෂාවෙන් සිටින අනෙක් පාර්ශවයේ පුද්ගලයන්ගෙනි.
මේ තැනැත්තා හෝ ඔහුගේ බිරිය රැකියාවක් නොකරන බවත් නිවාස දෙක බලා ගැනීම සඳහා අධ්‍යක්ෂවරියක් ලෙස රුපියල් පනස් දහසක වැටුපකට කාන්තාවක් බඳවාගෙන ඇති බවත් පොලිසිය කියයි.
මේ තැනැත්තා පවත්වාගෙන යන සී.එස්.එන් නේෂන් ලංකා නැමැති සමාගමට ව්‍යාපාර ලියාපදිංචියක් පමණක් ඇති බව පොලිසිය කියයි.
එය ලියාපදිංචි කර ඇත්තේ 2014 දී යැයි පොලිස් ආරංචි මාරග හෙළි කරගෙන ඇත.
ඒ කාලය අතර තුර විවිධ ව්‍යාපාර කරමින් පැමිණි මේ තැනැත්තා අලුත උපන් දරුවන් විකිණීමේ ජාවාරමට ආරම්භ කර ඇත්තේ පසුගිය මැයි මාසයේ දී ය.
මේ දරුවන් ලබා ගත් පිරිස අතර නීතිඥවරු පොලිස් නිලධාරීන් පවා සිටින බව හෙළි වී තිබේ.
පසුගිය මස මුල සිට පරීක්ෂණ ආරම්භ කර මේ අට වැනිදා ආයතන පරීක්ෂාවක් සඳහා ඔහුව කැඳවා තිබේ. එදා සිට මේ තැනැත්තා අතුරුදන්ව ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
පොලිස් ළමා හා කාන්තා කාර්යාංශය විසින් සිදුකරනු ලැබු දීර්ඝ විමර්ශනයකින් අනතුරුව එම ජාවාරම මෙහෙයවු චරිත් උක්කවත්ත නැමැති 47 හැවිරිදි පුද්ගලයා ඊයේ (21) රාත්‍රියේ මාතලේ, උකුවෙල ප්‍රදේශයේ දී අත්අඩංගුවට ගෙන ඇත.