රථ වාහන සඳහා ලීසිං පහසුකම් ලබා දීමේ අනුපාතයන් සංශෝධනය කිරීමට ශ්රී ලංකා මහ බැංකුව තීරණය කර තිබේ.
ඒ අනුව වානිජ රථ වාහන සඳහා උපරිමය සියයට 70කට සහ පෞද්ගලික වාහන සඳහා උපරිමය සියයට 50ක් දක්වා ලීසිං පහසුකම්වල අගය සංශෝධනය කිරීමට මහ බැංකුව පියවර ගෙන ඇත.
පසුගිය ජූලි මාසයේ දී ශ්රී ලංකා මහ බැංකුව අදාල ලීසිං පහසුකම් සඳහා වාණිජ රථ වාහන සඳහා සියයට 80ක් ද පෞද්ගලික වාහන සඳහා සියයට 60ක් ද ත්රී වීල් සඳහා සියයට 50ක් ද, වෙනත් වාහන සඳහා සියයට 70ක් ලෙස ද ණය අනුපාතයන් ඉදිරිපත් කර තිබිණි.
කෙසේ වෙතත් පසුගිය ජුලි මාසයේ දී ඛාණ්ඩ 4ක් ලෙස ණය පහසුකම් සඳහා අවස්ථාව සැලසුන ද එය ඛාණ්ඩ දෙකක් යටතේ පමණක් මෙවර ඉදිරිපත් කර තිබේ.
එහිදී එක් ඛාණ්ඩයක් වාණිජ වාහන ලෙසත්, අනෙක් ඛාණ්ඩය මෝටර් රථ වෑන් රථ ත්රී රෝද රථ සහ අනෙකුත් වාහන ලෙසත් වෙන් කර තිබේ.
