ශ්රී ලංකාවේ මහ බැංකුව විසින් දරනු ලබන භාණ්ඩාගාර බිල්පත් වටිනාකම ඉතිහාසයේ පළමු වරට රුපියල් බිලියන 1,135.5 (ට්රිලියන 1.13) ක් කරා ළඟා වී ඇත. ඩොලර් බිලියනයක ස්වෛරී බැඳුම්කරයක් සහ කූපනයක් නැවත ගෙවීමෙන් පසුව මෙම තත්ත්වය පෙන්නුම් කළ අතර එයින් තවදුරටත් ශ්රි ලංකාවේ විදේශ සංචිත පහළ යාමේ අවදානමක් පෙන්නුම් කරන බව ආර්ථික විශ්ලේෂකයෝ පවසති.
භාණ්ඩාගාර බිල් වටිනාකම රුපියල් බිලියන 922 සිට ඉහත අගය කරා ළඟා වී ඇති බව ඔහුවුහු පෙන්වා දෙති.
මෙම බිල්පත්වලට අමතරව මහ බැංකුව තවත් රුපියල් බිලියන 198.2 ක් ‘තාවකාලික අත්තිකාරම්’ මගින් ලබාගෙන ඇති අතර එය පොලී රහිත මුද්රිත මුදල් අයිරා පහසුකමකි.එනම් විශ්ලේශකයන් දකින්නේ රුපියල් බිලියන 198.2ක් මුද්රණය කිරීමක් ලෙසටය
ඉන්දුනීසියාවේ මහ බැංකුව වන නෙගරා බැංකුව ඇතුළු බරපතල විදේශ විනිමය ගැටලුවලින් පීඩා විඳින මහ බැංකු කිහිපයකම මෙවැනිම ප්රතිපාදන දක්නට ලැබෙන බව මූල්ය වෙළෙඳපොළ විශ්ලේෂකයන්ගේ මතයයි.