දිනසේන රතුගමගේ –
කිළිනොච්චිය ධර්මපුරම් මධ්යය මහා විද්යාලයේ සිසුන් පිරිසකට බඹර ප්රහාරයක් එල්ල වීම නිසා සිසුන් 21 ක් රෝහල් ගත කොට තිබේ.
ඊයේ (13) පාසල නිම වීමට ආසන්නයේදි මෙම බඹර ප්රහාරය එල්ල වී ඇති අතර බඹරුන් දෂ්ඨ කළ සිසුන්ගෙන් හතර දෙනෙකුගේ තත්ත්වය බරපතල වීම නිසා ඔවුන් හතර දෙනා කිළිනොච්චිය රෝහල වෙත මාරු කොට යවා තිබේ.
ඉතිරි සිසුන් කිළිනොච්චිය ධර්මපුරම් රෝහලේ ප්රතිකාර ලබන අතර සිසුන් 9 දෙනෙකු සවස් කාලයේම රෝහලෙන් බැහැරව ගොස් තිබේ.
දහවල් අධික රශ්මියක් පැවතීමත් සමගම හමා ගිය සුළගක් නිසා විදුහලේ ගසක බැද තිබූ බඹර කුඩුවක් කැඩී බිමට වැටී ඇත. ඉන් ඇවිස්සුණු බඹරුන් සිසුන්ට දෂ්ඨ කොට තිබේ.
මෙම පාසලේ බඹර වද 6 ක් තවමත් ඇති අතර එම බඹර වද ඉවත් කොට දෙන ලෙස විදුහලේ බලධාරීන් ආයතන හා සංවිධාන කීපයකටම දැණුම් දී ඇතත් මේ වන තුරු එම බඹර කූඩු ඉවත් නොකිරීම නිසා සිසුන්ට හා ගුරුවරුන්ට බඹරුන්ගෙන් දැඩි ලෙස පීඩා විඳීමට සිදුව තිබේ.
පසුගිය වසරේද මේ පාසලේ ළමයින් හත් දෙනෙකුට බඹරුන් දෂ්ඨ කිරීම නිසා ඔවුන්ව රෝහල් ගත කිරීමට විදුහලේ බලධාරීන්ට සිදුවුණි.