සූරියවැව නුවන් ජයසේකර –
ආණ්ඩුව වී සදහා මෙතෙක් සහතික මිලක් ප්රකාශයට පත් කර නොමැති බවත් පුද්ගලික අංශයේ වී රැස් කරන්නන් කුඹුරටම පැමිණ අමු වී කිලෝව රුපියල් 150 – 170 අතර මිලකට ලබා ගන්නා වටපිටාවක තුට්ටු දෙකට වී ගන්නට සිතාගෙන ඇත්නම් ආණ්ඩුවට වී ඇටයක් ලබා නොදෙන බවත් වලව ඒකාබද්ධ ගොවි සංවිධානයේ සභාපති එස්.කේ.මහින්ද සමරවික්රම පැවසීය.
ඔහු පවසන්නේ මෙසේය.
“මේ වන විට බඳගිරිය හා වලව කලාපයේත් ඇතැම් කුඹුරුවල අස්වනු නෙළමින් තිබෙනවා. පුද්ගලික අංශයේ ව්යාපාරිකයන් කුඹූරටම ඇවිත් මේ වන විට වැඩි මිලට වි අස්වනු මිළදි ගන්නවා. ගොවියා බලන්නේ තමන්ගේ අස්වැන්න වැඩි මිළකට අළෙවි කර ගන්නයි. මේ දිනවල අස්වනු නෙළන කුඹුරු වල වී පුද්ගලික අංශයෙන් වී කිලෝව 170ට අරන් අනිත් පැත්තට ඒ ටි ටික වේලලා හාල් කිලෝව රුපියල් 290ත් 300ත් අතර මුදලකට විකුණනවා.
ආණ්ඩුවට මේක නවත්තගන්න බැරි එකේ කොහොමද වී වලට සහතික මිලක් දෙන්නේ. මේ අය විපක්ෂයේ ඉන්න කාලේ කියපු එකක්වත් බලයට ආවම කලේ නෑ.
දැන් රටේ වී අස්වනු නෙළමින් ඉන්නේ. ඉතින් රජය තවම කල් මරමින් ඉන්නවා වි සඳහා සහතික මිළක් ගන්න. මේ වෙනකොට මාධ්ය මගින් අපි දැක්කා රජය වි 130ට විතර ගන්න හදනවා කියලා. අපි වලව ගොවියෝ හැටියට කියනවා ගොවියගේ මේ අස්වැන්න තුට්ටු දෙකට ගන්න නම් රජය හදන්නේ එක වි ඇටයක් අපි රජයට දෙන්නේ නෑ කියලා.
ආණ්ඩුවේ ගබඩා වලින් වී ගන්නේ 14%ක් වෙනකම් කබලේ දමලා බැද්ද වගේ වේළුවට පස්සේ. ඒ විතරක් නෙමෙයි… ආණ්ඩුවේ ගබඩාවට වි ටික අරගෙන ගිහින් දවස් ගානක් පෝලිමේ ඉදලා දිලා ඒකේ සල්ලි ටික ගන්නත් තව දවස් ගානක් ඒ අයගේ පස්සේ යන්න ඕනේ. හැබැයි පුද්ගලික අංශය එහෙම නෑ. ඒ අය කුඹූරටම ඇවිත් තෙත බරෙන්මයි වි ටික මිළදි ගන්නේ. වී කිලෝවක් 150ත් 170ත් අතර මුදලක් දෙනවා. එතකොට ගොවියට වී වේලන කම්කරු කුළියත් කාලයත් දෙකම ඉතුරුයි.ලොකු ලාභයකුත් ඇවිත් ගොවියට.
පුද්ගලික අංශයේන් අමු වි ටික ගෙනිහින් වේළලා කොටලා වෙළදපොලට දමනවා. ඇයි ආණ්ඩුවට බැරි මේ විදයේ වැඩ පිළිවෙළක් හදන්න. ගොවියා ණය වෙලා මේ කුඹුරු කරලා තියෙන්නේ. මේවගේ අස්වනු නෙළනකොට ණය කාරයෝ පස්සෙන් එනවා. ඒවා ගෙවන්න ඕනේ. ඒ නිසා ගොවියට වී ටික විකුණනකොට එවෙලේ අතට සල්ලි ලැබෙන්න ඕනේ.
ආණ්ඩුව මාධ්ය ඉස්සරහා ඉදගෙන කයිවාරු ගැහුවට එක නිළධාරියෙකුවත් තවම ගොවි බිමකට ඇවිත් මේ ගැන හොයලා බලලා විමසලා නෑ. ගොවියගෙ දුක මේ ආණ්ඩුවටත් අද අමතක වෙලා තියෙනවා. පසුගිය දින පැවති හම්බන්තොට දිස්ත්රික් ලේකම් කාර්යාලයේ පැවති කෘෂිකර්ම කමිටුවේදීත් මේ වි මිල සම්බන්ධයෙන් සාකච්ජා වුණා. එහිදී හම්බන්තොට දිස්ත්රික් ලේකම්වරයා කිව්වේත් ඉදිරියේදි වී සඳහා ස්ථාවර මිලක් නියම කරන්න රජය බලාපොරොත්තුවෙන් ඉන්නවා කියලයි.
පුද්ගලික අංශයේ අය වි මිලදි අරගෙන ඉවර වුණාම රජය වී වලට සහතික මිළක් නියම කරලා වැඩක් නෑ. අනික තමා ආණ්ඩුවෙන් වි ගත්තත් ගන්නේ එක් ගොවියෙකුගෙන් සීමා සහිත වු කිලෝ ප්රමාණයක් විතරයි. ඒකේ සල්ලි ගන්නත් පෝලිමේ ඉන්න ඕනේ. ගොවියගේ ඉතුරු වෙන වි ටික පුද්ගලික මෝල් හිමියන්ට දෙන්න වෙන්නෙ. එහෙම බැලුවම වී ටික එක සැරේම පුද්ගලික අංශයයෙන් එන ව්යාපාරිකයටම දෙන එක ගොවියට වාසියි.
අනික ආණ්ඩුවෙන් වී ගත්තත් ඒවා කොටලා වෙළඳපොලට එවන්න පුද්ගලික අංශයේ සහාය ගන්න වෙනවා. ඒ නිසා අපි රජයට කියනවා වහාම වී සඳහා සහතික මිළක් නියම නොකර මේ විදියට කල් මරමින් ඉන්නවා නම් අපි රජයට එක් වි ඇටයක්වත් දෙන්නේ නැ කියලා. යැයි පැවසිය.
යකෝ එහකොට රජයෙන් සහනාධාර පොහොර ටිකයි වගා වන්දියයි විතරයි මුන්ට ඕනි. ඉල්ලලා දීපියවු ඔඅය මෝලුන්ගෙන්ම ඒවත්..