සෞඛ්ය අමාත්යාංශය මගින් පී.සී.ආර් හා රැපිඩ් ඇන්ටිජන් පරීක්ෂණ (Rapid Antigen Test ) වලට භාජනය කරන රෝගීන් ලියාපදංචි කිරීම සඳහා ඇප් එකක් හඳුන්වා දීමට සැලසුම් කර ඇත.
එම වැඩපිළිවෙළ ඉදිරි සතිය තුළ ක්රියාත්මක කිරීමට සූදානම් බව නියෝජ්ය සෞඛ්ය අධ්යක්ෂ ජනරාල් විශේෂඥ වෛද්ය සමන් රත්නායක පවසයි. මේ ඔසසේ අදාළ පරීක්ෂණවලට භාජනය කෙරෙන පුද්ගලයින් පිළිබඳ තොරතුරු විශ්ලේෂණය කිරීම කඩිනම් මෙන්ම පහසු වන බව ඔහු වැඩිදුරටත් පෙන්වා දෙයි.
අදාළ ඇප් එක භාවිත කර ස්මාර්ට් ජංගම දුරකතනයක් මගින් පී.සී.ආර් හා රැපිඩ් ඇන්ටිජන පරීක්ෂණ වලට භාජනය වන අයගේ තොරතුරු එම ස්ථානයේදීම ලියාපදිංචි කෙරෙන බවත් එමඟින් ක්ෂණිකව රසායනාගාර පද්ධතියට,සෞඛ්ය අමාත්යාංශයට හා වසංත රෝග අංශයට එම තොරතුරු බලා ගැනීමේ හැකියාව ලැබෙන බවත් ඔහු කීවේය.
එමෙන්ම පී.සී.ආර් පරීක්ෂණ 20000ක් දිනකට සිදුකිරීමේ ඉල්ලක්කය සපුරා ගැනීම සඳහා රජයේ රෝහල් පහකට සහ පෞද්ගලික රෝහල් පහකට පී.සී.ආර් පරීක්ෂණ සිදු කිරීම සඳහා අලුතින් අවසර ලබා දීමට අනුමැතිය දුන් බවත් ඔහු හෙළි කළේය.
ඒ අනුව මේ වනවිට රැපිඩ් ඇන්ටිජන් පරීක්ෂණ (Rapid Antigen Test ) කට්ටල ලක්ෂයක් රෝහල්වලට බෙදාදී තිබෙන බවත් ලෝක සෞඛ්ය සංවිධානය අනුමත කළ පරීක්ෂණ කට්ටල ප්රමාණය මෙරටට ලැබී තිබෙන බවත් නියෝජ්ය සෞඛ්ය අධ්යක්ෂ ජනරාල්වරයා කීවේය.