ශ්‍රී ලංකාවේ උපත ලබා ඇති, ජෝන්ස් හොප්කින්ස් විද්‍යාඥවරියක වන අශානි වීරරත්න අමෙරිකාවේ ජාතික පිළිකා උපදේශක මණ්ඩලයේ සාමාජිකාවක් ලෙස කටයුතු කිරීම සඳහා එරට ජනාධිපති ජෝ බිඩෙන් විසින් පත් කර ඇත.
ධවල මන්දිරය සැප්තැම්බර් 15 දා මෙම පත්වීම නිවේදනය කළේය.
ඇය මෙලනෝමා සහ පිළිකා හේතුවෙන් වයසට යෑමේ බලපෑම පිළිබඳ විශේෂඥ වෛද්‍යවරියකි.
අමෙරිකාවේ ජාතික පිළිකා වැඩසටහනේ ක්‍රියාකාරිත්වය පිළිබඳව එරට ජාතික සෞඛ්‍ය ආයතනයේ ජාතික පිළිකා ආයතන අධ්‍යක්ෂවරයාට උපදෙස් හා සහාය ලබා දීම ජාතික පිළිකා උපදේශක මණ්ඩලයේ කාර්යභාරයයි.
සෞඛ්‍ය හා විද්‍යාවේ ප්‍රමුඛ නියෝජිතයින්ගෙන්, රාජ්‍ය ප්‍රතිපත්ති, නීතිය, සෞඛ්‍ය ප්‍රතිපත්ති, ආර්ථික විද්‍යාව, කළමනාකරණය සහ පරිසර නායකයින්ගෙන් මෙවැනි පුද්ගලයින් තෝරා ගනු ලැබේ. ජාතික පිළිකා උපදේශක මණ්ඩලය එහි ක්‍රියාකාරකම් අතර පර්යේෂණ, පුහුණුව, සෞඛ්‍ය සේවා තොරතුරු සහ පිළිකා රෝගීන් සහ ඔවුන්ගේ පවුල් සඳහා වැඩසටහන් ආදිය සම්බන්ධයෙන් ද කටයුතු කරයි.
ඇය, ජෝන්ස් හොප්කින්ස් බ්ලූම්බර්ග් ප්‍රජා සෞඛ්‍ය විද්‍යාලයේ ජෛව රසායන විද්‍යාව සහ අණුක ජීව විද්‍යාව පිළිබඳ ඊ.වී.මැකොලම්හි සභාපතිවරිය ලෙසත්, බ්ලූම්බර්ග්හි කීර්තිමත් මහාචාර්යවරියක ලෙසත්, සිඩ්නි කිම්මල් විස්තීර්ණ පිළිකා මධ්‍යස්ථානයේ පිළිකා ආක්‍රමණ හා මෙටාස්ටැසිස් වැඩසටහනේ සම-නායකවරිය ලෙසත් ජෝන්ස් හොප්කින්ස් විශ්ව විද්‍යාලයේ වෛද්‍ය විද්‍යාලයේ පිළිකා රෝග පිළිබඳ මහාචාර්යවරිය ලෙසත් කටයුතු කරයි.
ලොව පුරා මරණ සඳහා ප්‍රධාන තැනක් ගන්නේ පිළිකා ය. ඒ පිළිකා වැළැක්වීම, කල් ඇතිව හඳුනා ගැනීම සහ ප්‍රතිකාර කිරීමේ නව වැඩපිළිවෙළවල්, සොයාගැනීම් හෝ ඒවායෙහි ඇති ප්‍රගතිය නොතකා ය.
මහාචාර්ය වීරරත්නගේ පර්යේෂණයන් අවධානය යොමු කරන්නේ පාරිසරික ක්ෂුද්‍ර වර්ග – සාමාන්‍ය සෛල හා ගෙඩියක් වටා ඇති ව්‍යුහයන් – මෙටාස්ටැසිස් සහ ප්‍රතිකාර ප්‍රතිරෝධය කෙරෙහි ඇති කරන බලපෑම පිළිබඳව ය. මෙලනෝමාවල වයසට යාමට හේතුවන ක්ෂුද්‍ර පරිසරය මෙටාස්ටැසිස් හා ප්‍රතිකාර ප්‍රතිරෝධයට බලපාන්නේ කෙසේදැයි අධ්‍යයනය කළ පළමු පර්යේෂිකාව ඇයයි. ඇගේ අධ්‍යයනයන්හි ගෙඩියේ සහ ප්‍රතිශක්තිකරණ සෛලවල පටක හරහා සංක්‍රමණය වීමේ හැකියාව කෙරෙහි බලපාන ජෛව භෞතික වෙනස්කම් ඇතුළත් වේ. ඉලක්ක කරගත් චිකිත්සාව සහ ප්‍රතිශක්ති චිකිත්සාව යන දෙකෙහිම වයස් සම්බන්ධ වෙනස්කම් ඇගේ පර්යේෂණ මඟින් සොයාගෙන ඇත.
ඇයගේ පර්යේෂණ වලට අමතරව සමේ ආරක්‍ෂාව පිළිබඳවද කටයුතු කර ඇති අතර විද්‍යාවේ විවිධත්වය වෙනුවෙන් කැපවී පෙනී සිටින්නියකි.
“ජාතික පිළිකා උපදේශක මණ්ඩලයට නම් කිරීම ගැන මම ගෞරවයට හා නිහතමානී වෙමි යැයි වීරරත්න පවසයි. මීට වසර ගණනාවකට පෙර දකුණු අප්‍රිකාවේ, ලෙසෝතෝවේ සිටි තරුණියක් ලෙස, එවැනි අවස්ථාවක් ලැබෙනවා කියාවත් මට සිතාගත නොහැකි විය. මට ගුරුහරුකම් දුන් අයටත්, මම දැන් උපදේශකයෙකු වීමට සිටින සිසුන්ටත්, පිළිකාවෙන් පෙළෙන සෑම පුද්ගලයෙකුටත් මම ස්තූතිවන්ත වෙමි. ජාතික පිළිකා ආයතනයේ මෙහෙවරට අපි සහයෝගය දක්වන හෙයින් ජාතික පිළිකා උපදේශක මණ්ඩලයේ මගේ සගයන් සමඟ වැඩ කිරීමට ලැබීම ගැන මම ඉතාමත් සතුටු වෙනවා. ” ඇය කීවාය.
මේරිලන්ඩ්හි ශාන්ත මරියා විද්‍යාලයෙන් වීරරත්න ජීව විද්‍යාව පිළිබඳ උපාධිය ලබා ඇති අතර ජෝර්ජ් වොෂිංටන් විශ්ව විද්‍යාලයේ වෛද්‍ය මධ්‍යස්ථානයේ ඖෂධවේදී දෙපාර්තමේන්තුවේ අණුක සහ සෛලීය පිළිකා අධ්‍යයන පිළිබඳ ආචාර්ය උපාධිය ලබා ගත්තාය.
1998 සිට 2000 දක්වා ඇය ජාතික මානව ජෙනෝම් පර්යේෂණ ආයතනයට මාණ්ඩලික විද්‍යාඥවරියක් ලෙස සම්බන්ධ වීමට පෙර ජෝන්ස් හොප්කින්ස් හි සිඩ්නි කිම්මල් විස්තීර්ණ පිළිකා මධ්‍යස්ථානයේ පශ්චාත් ආචාර්ය උපාධිධාරිනියක් වූවාය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
2003 දී ඇය වයසට යාම පිළිබඳ ජාතික ආයතනයට ගිය අතර එහිදී ඇය විසින්ම පර්යේෂණ වැඩසටහනක් ආරම්භ කළාය. 2011 දී ඇය විස්ටාර් ආයතනයට සම්බන්ධ වූ අතර 2019 දී ජෝන්ස් හොප්කින්ස් වෙත පැමිණීමට පෙර සිය පර්යේෂණ කටයුතු කරගෙන ගියාය. ජෝන්ස් හොප්කින්ස් විශ්වවිද්‍යාලීය මුද්‍රණාලයෙන් නිකුත්වීමට නියමිත පිළිකා නොවැලැක්විය හැකිද? පොතේ කතුවරිය ඇයයි.