පළාත් පාලන ආයතනවල බලය පිහිටුවීමේ දී පළාත් කොමසාරිස්වරුන් හැසිරෙන ආකාරය සම්බන්ධව මේ වනවිට විපක්ෂයේ දැඩි විවේචනයට ලක් කරමින් ඇති නමුත් ඔවුන් එම චෝදනා එල්ල කරන්නේ පනත් සහ ගැසට් නිවේදන සම්බන්ධව කිසිම යාවත්කාලීනවීමක් නොමැතිව අඳබාලයින් ලෙස බව අද මහජන ආක්ෂාව පිළිබඳ නියෝජ්ය අමාත්ය නීතිඥ සුනිල් වටගල පැවසුවේය.
මේ සම්බන්ධව නවතම ගැසට් නිවේදනය පළාත් පාලන අමාත්යාංශයේ ලේකම්වරයා විසින් ඉදිරිපත් කරන්නේ 2025.06.14 දින බව ඔහු කීවේය.
නියෝජ්ය ඇමතිවරයා කීවේ මෙවැන්නකි.
2025.06.14 දින හරි පැහැදිලි චක්රලේඛනයක් පළාත් පාලන අමාත්යාංශ ලේකම්වරයා විසින් නිකුත් කළා. පළාත් පාලන ලේකම්වරයා අවසානයේ දී පැහැදිලිවම කියනවා ඡන්ද ක්රමය තෝරා ගැනීමේ දී යොදා ගත යුතු කාර්ය පටිපාටිය සම්බන්ධව.
” ඡන්ද ක්රමය තෝරා ගැනීමේ දී අදාල පනත යටතේ පළාත් පාලන කොමසාරිස්වරයාට ඇති බලතල සහ වගකීම් ප්රකාරව කටයුතු කළ යුතු අතර ඒ සම්බන්ධයෙන් තීරණ ගැනීමේ වගකීම ද එකී නීතිය ප්රකාරව පළාත් පාලන කොමසාරිස්වරයා විසින් ඉටු කළ යුතුය.”
“දිනය 2025.06.14 . අවසානයට ආපු ගැසට් එක ගැන මේ කියන්නේ. මේකේ කොහේවත් ඡන්දය රහස්යද විවෘත ද කියලා නෑ. ඒ නිසා ගරු මූලාසනාරූඪ මන්ත්රී තුමනි… පලාත් පාලන කොමසාරිස්වරයාගේ අභිමතානුසාරී බලය යටතේ ඔවුන් විවිධ පළාත්වල මැතිවරණ පවත්වාගෙන යනවා.”
“මධ්යම පළාතේ එකක් කරනවාලු… ඒක ඇත්ත. අභිමතානුසාරී බලය යටතේ. බස්නාහිරට තව විධියක් යනවා ඇති. ඒ බලය කාටවත් ප්රශ්න කළ යුතු බලයක් නෙමෙයි. ප්රශ්න කරන්න ඕන නම් එළියේ කෑ ගසමින් නොසිට අධිකරණයට යන්න. “
