ශ්රියානි විජේසිංහ –
මහනුවර දළදා මාළිගාවේ අවසන් රන්දෝලි පෙරහර නැරඹීමට මේ වන විට ලක්ෂ 5ට අධික පිරිසක් පැමිණ සිටින බවත් සවස් කාලය වන විට මෙය තවත් වැඩිවනු ඇති බවත් පොලිසිය සඳහන් කරයි.
මහනුවර මහ නගරසභාවේ ප්රධාන සෞඛ්ය වෛද්ය නිලධාරී පසන් පැරකුම් ජයසිංහ පවසන්නේ දළදා පෙරහර නැරඹීමට පැමිණෙන සියලුම බැතිමතුන්ගේ සනීපාරක්ෂ පහසුකම් , පානීය ජල පහසුකම් සහ ආහාර පහසුකම් සැලසීම මේ වෙන විටත් විධිමත්මව සිදුවෙමින් පවතින ය.
දන්සල් 100ට ආසන්න සංඛ්යාවක් අද මධ්යහනය වන විට ලියාපදිංචි වී සිටි බව ඔහු කීවේය. .
මහනුවර නගරය තුළ මිනිස් පරිභෝජනයට නුසුදුසු ආහාර අලෙවි කල ස්ථාන 8ක් වටලා හාරලක්ෂ දොළොස්දහසක මුදලක් දඩ ලෙස අය කර ගැනීමට ඊයේ (7) දිනයේදී කටයුතු කළ බවත් අද (8) දිනයේදී මිනිස් පරිභෝජනයට නුසුදුසු මාළුපාන් 2000ක සංඛ්යාවක් විනාශ කළ බවත් වෛද්ය පැරකුම් ජයසිංහ පවසා සිටියි.
කෙසේ නමුත් පෙරහර චතුරශ්රය තුල කිසිදු අහිතකර ආහාරයක් අලෙවි කළ බවට තොරුතු ලැබී නොමැති බවත් පරික්ෂා කිරීම් අඛන්ඩව සිදුකරමින් යන බවත් හෙතෙම අවධාරණය කළේය.
