ශ්‍රියානි විජේසිංහ:
කොවිඩ් වෛසරය පැතිර යන ග්‍රාමසේවා කොට්ඨාස හඳුනාගෙන ඒවා හුදකලා කරමින් එහි සිදුකරන පී.සී.ආර් පරික්ෂණ වැඩි නොකළහොත් ලබන අගෝස්තු සැප්තැම්බර් වන වි‌ට රට වසා දැමීමට සිදුවිය හැකි යැයි රජයේ වෛද්‍ය නිලධාරීන්ගේ සංගමය අනතුරු අඟවා සිටියි.
කොවිඩ් ආසාදිතයින් සොයා ගැනීම සඳහා සිදු කරන පරික්ෂණ වැඩි කරන්නැයි තම සංගමය පසුගිය අප්‍රේල් මාසය තුළ රජය‌ට යෝජනාවලියක් ඉදිරිපත් කලද ඒ පිළිබඳව සෞඛ්‍ය බලධාරීන් අවධානය යොමු නොකළ බැවින් දෙවන රැල්ලක් නැවත නිර්මාණය වීමේ අවදානමක් මතුවිනැයි සංගමයේ ලේකම් වෛද්‍ය හරිත අලුත්ගේ සඳහන් කළේය.
පරික්ෂණ වැඩිකිරීම සම්බන්ධයෙන් නව යෝජනාවක් අද (13) ජනාධිපති ගෝඨාභය රාජපක්ෂට භාර දීමට සංගමයේ විධායක සභාව තීරණය කළ බවද හෙතෙම පැවසීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
සමාජයෙන් අහඹු ලෙස නියදි තෝරාගනිමින් කොවිඩ් පරික්ෂණ සිදු කිරීමෙන් ආසාදිතයින් සොයා ගැනීමටත් ඔවුන් හුදකලා කර ප්‍රතිකාර කිරීම මගිනි රටේ අනෙකුත් අංශ සාමාන්‍ය පරිදි පවත්වාගෙන යාමට හැකි වනු ඇති බවත් වෛද්‍ය අලුත්ගේ පෙන්වාදේ.