විදුලි බිල ඉහළ යෑමට විරෝධය පල කරමින් ඊයේ (07) සවස ගම්පොල බල ප්‍රදේශයට අයත් නව කුරුඳුවත්ත නගරයේදි ජාතික ජනබලවේගයේ ක්‍රියාකාරින් විසින් පන්දම් දල්වමින් පවත්වන ලද විරෝධතාවකට හිටපු අමාත්‍ය මහින්දානන්ද අලුත්ගමගේ ගේ ආධාරකරුවන් කිහිපදෙනෙකු බීමත්ව පැමිණ ගැටුමක් ඇතිකරගැනීමට කටයුතු කර ඇතැයි පොලිසිය පවසයි.
මෙම බීමත් පුද්ගලයින් විරෝධතාකරුවන් අතරට පැමිණ හු කියමින් එම විරෝධතකරුවන් සමග බහින්බස් විමක් ඇති කර ගැනිමට උත්සාහයක් ගෙන ඇතැයි පොලිසිය කියයි.
මෙය ආවරණය කිරිම සදහා ගොස් සිටි මාධ්‍යවේදි සුරංග රාජනායකගේ කැමරාවට ද මේ කළහකාරී පුද්ගලයින් විසින් අලාභානි කර ඇතැයි ඔහු විසින් නව කුරුදුවත්ත පොලිස් ස්ථානයට පැමිණිල්ලක් ඉදිරිපත් කර ඇත.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
ජාතික ජනබලවේගයේ නව කුරුදුවත්ත සංවිධායක ඉන්දික ගුණසේකර විසින් සංවිධානය කර තිබූ මෙම විරෝධතාවයට නාවලපිටිය නගර සභා අපේක්ෂිකා තුෂාරි ජයසිංහ. නාවලපිටිය නගර සභා මන්ත්‍රි මොහොමඩ්, කපිල අබේරත්න හා ගඟ ඉහළ අපේක්ෂකයින් ඇතුලු 35 ක පමණ පිරිසක් සහභාගි වී සිට ඇත.
