බලපත්ර ලාභී තැබෑමරුම් කීපයක් හා සුපිරි වෙළෙඳසල් ඔසසේ මාර්ගගත ක්රමයට මත්පැන් ලබාදීමේ වැඩපිළිවෙළට අවසර ලබා නොදෙන බව කොවිඩ් 19 පැතිරීම පාලනය කිරීමේ ජාතික ක්රියාන්විත මධ්යස්ථානයේ ප්රධානී යුද හමුදාපති ජෙනරාල් ශවේන්ද්ර සිල්වා පැවසීය
සුරාබදු කොමසාරිස් ජනරාල්වරයා විසින් මුදල් අමාත්යාංශයෙන් පසුගියදා ඉල්ලීමක් කර තිබුනේ මාර්ගගත ක්රමයට මත්පැන් අලෙවි කිරීම සඳහා සුපිරි වෙළඳසල්වලට අවසරය ලබා දෙන ලෙසය.
දීර්ඝ කාලිනව බදු ආදායම් අහිමි වීමේ අවදානම සහ විවිධ පාර්ශවවලින් කළ ඉල්ලීම අනුව ඔහු එම ඉල්ලීම කර තිබූ බව හමුදාපතිවරයා කීවේය .
කෙසේ වෙතත් කොවිඩ් පාලනයකිරීම සඳහා සංචරණ නීති ක්රියාත්මක වී රටේ ගෘහස්ථ ආර්ථිකයත් මුළුමනින්ම පාහේ බිදවැටෙමින් ඇති අවස්ථාවක මෙම ඔන්ලයින් මත්පැන් අලෙවිය සම්බන්ධ යෝජනාව සෞඛ්ය අංශය ඇතුළු විවිධ පාර්ශවවල බරපතල විවේචනයට ලක් විය.