තමන් ගුරු සේවයේ ස්ථිර පත්වීම් ලබා දෙන ලෙස ඉල්ලා අද (02) උදේ සිට අධ්යාපන අමාත්යාංශය ඉදිරිපිට විරෝධතාවයක දියත් කළ ගුරු සේවයට අනුයුක්ත සංවර්ධන නිලධාරීන් දෙදෙනෙකු තුවාල ලබා ඇති තවත් සිව් දෙනෙකු අත්අඩංගුවට ගත් බව පොලිසිය පවසයි.
තුවාල ලැබූ නිලධාරීන් කොළඹ මහ රෝහලට ඇතුළත් කළ බව පොලිසිය පැවසුවේය. පොලිසිය විරෝධතා කරුවන්ට එරෙහිව සිය බලය භාවිතා කරන ආකාරය පෙනුණි.
දැනට ගුරු සේවයේ යෙදෙමින් සිටින සංවර්ධන නිලධාරීන් ගුරු සේවයට ඇතුළත් කරගන්නා ලෙස බලකරමින් මෙම විරෝධතාව පැවැත්වුණේ අධ්යාපන අමාත්යාංශය ඉදිරිපිටදීයි.
විරෝධතාවය අතරතුර පොලිසියේ දෙදෙනෙකුගේ පිට කපා ඇති බවට චෝදනා එල්ල විය. විරෝධතා කරුවන් පැවසුවේ පිටකොටුවේදීත් මේ සේල්ලමම සිදුවූ බවය. වීඩියො දර්ශන පරීක්ෂා කර මේ වැඩේ කළේ විරෝධතා කරුවන්ද යන්න සොයා නොගෙන චෝදනා නොකරන ලෙසය.
කැපුම් තුවාල සහිත පොලිස් නිලධාරීන් දෙදෙනා රෝහල් ගත කරනු ලැබීය.
ඒකාබද්ධ පාසල් සංවර්ධන නිලධාරී එකමුතුව පැලවත්ත අධ්යාපන අමාත්යාංශය ඉදිරිපිට අද දහවල් මෙම විරෝධතාවක් සංවිධාන කර තිබුණි. බත්තරමුල්ලේ සිට අධ්යාපන අමාත්යාංශය වෙත පාගමනින් පැමිණි විරෝධතාකරුවන් අධ්යාපන අමාත්යාංශය ඉදිරිපිට විරෝධතාවයේ නිරත වුණි.
