ඇල්ල-වැල්ලවාය මාර්ගයේ රාවණා ඇල්ල අසල බස් රථයක් අඩි 200ක පමණ ප්රපාතයකට වැටීමෙන් අද (04) රාත්රියේ සිදුවූ අනතුරින් සිදුවුන මරණ සංඛ්යාව ඉහළ යමින් ඇත.
මේ වනවිට මරණ 10 වාර්තා වී ඇති අතර 15 දනෙක් රෝහල්ගත කර තිබේ. රෝහල්ගත කළ පිරිස ද වැඩිවිමට ඉඩ ඇති බව වාර්තා වේ.
ඔවුන් ඇතුළත් කර ඇත්තේ බදුල්ල ශික්ෂණ රෝහලට ය. ඛේදවාචකයෙන් තුවාල ලැබූවන් බේරා ගැනීම සඳහා පොලිසිය, විශේෂ කාර්ය බලකාය, හමුදාව සහ ගුවන් හමුදාවේ පිරිස් කටයුතු කරමින් සිටිති.
මේ වනවිට ප්රදේශවාසීන්ගේ සහයෝගය සහිතව මුදවා ගැනීම් ආරම්භ කර ඇති බවත් සිද්ධිය නැරඹීමට එම ස්ථානයට නොඑන ලෙසත් පොලිසිය ජනතාවගෙන් ඉල්ලා ඇත.
අනතුරට මුහුණ පා ඇත්තේ ඇල්ලේ විනෝද චාරිකාවක් පැමිණි තංගල්ල නගර සභාවේ කාර්යය මණ්ඩලයේ පිරිසකි. 30 දෙනෙකු පමණ බස් රථයේ ගමන් කරමින් සිටි බව වාර්තා වේ.
ඔවුන් යළි තංගල්ල බලා යමින් සිටියදී මෙම අනතුර සිදුව තිබේ.
