ආහාර සුරක්ෂිතතාව තහවුරු කිරීමට අදාළ ප්රතිපත්ති තීරණ ගැනීමේදී අත්යාවශ්ය නිරවද්ය දත්ත හා තොරතුරු පද්ධතියක් සකස් කිරීමට රජය සැලසුම් කර තිබේ.
එවැනි දත්ත සහ තොරතුරු පද්ධිතයක් නොමැතිව තීරණ ගැනීමේ අවදානම තවදුරටත් දැරීමට රජය සූදානම් නැති බවත් අද ප්රකාශයට කෙරිනි.
මේ බව ප්රකාශ වන්නේ ආහාර සුරක්ෂිතතාව තහවුරු කිරීමට අදාළව ප්රතිපත්තිමය තීන්දු ගැනීම සඳහා කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී ලාල් කාන්ත, වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්ය වසන්ත සමරසිංහ සහ ආහාර ප්රතිපත්ති හා සුරක්ෂිතතා කමිටුවේ සාමාජිකයෝ පළමු වරට ජනාධිපති කාර්යාලයේදී රැස් වු අවස්ථාවේ දී ය.
ජාතික ආහාර සුරක්ෂිතතා ප්රතිපත්ති රාමුවක් ඇති කිරීම, අත්යවශ්ය ආහාර තොරතුරු පද්ධතියක් පවත්වා ගෙන යාම, ජාත්යන්තර වශයෙන් පිළිගත් නිර්ණායක ඔස්සේ නව වැඩපිළිවෙළක් සකස් කිරීම, විද්යාත්මක සාක්ෂි මත පදනම් වූ දේශීය නිෂ්පාදන වැඩි කිරීම සහ බෙදා හැරීම සඳහා වැඩපිළිවෙළක් සකස් කිරීම ආදි කරුණු රැසක් මෙහිදී අවධානයට ලක් විය.
සෘජු පරිභෝජනයට මෙන්ම, කුකුළු හා බිත්තර කර්මාන්තයට අවශ්ය සත්ව ආහාර, බියර් නිෂ්පාදනය වැනි මානව පරිභෝජනයට අදාළ සියලු කර්මාන්ත සඳහාද යෙදවුම් වශයෙන් සහල් ලබා දීම රජයේ සංවර්ධිත කෘෂිකර්ම ප්රතිපත්තිය ක්රියාවට නැංවීමේදී සලකා බැලිය යුතු බව කෘෂිකර්ම අමාත්යවරයා මෙහිදී වැඩිදුරටත් සඳහන් කරන ලදී.
තවද රටේ ජනතාවගේ ආහාර පරිභෝජනය සම්බන්ධයෙන් අධ්යයනය කළ යුතු බවත් නිරෝගී ජනතාවක් බිහි කිරීමට මෙන්ම ආහාර අපතේ යාම වැළැක්වීමට අවශ්ය පියවර ගන්නා ලෙසත් අමාත්යවරයා කමිටු සාමාජිකයින්ට මෙහිදී උපදෙස් දෙන ලදී.
ආහාර සුරක්ෂිතතාව, ආහාර මිල සහ වෙළෙඳපොළ කළමනාකරණය පිළිබඳවද මෙහිදී සාකච්ජා කෙරිණි.
සියලුම පුරවැසියන් සඳහා සුරක්ෂිත, සෞඛ්යාරක්ෂිත සහ තිරසර ආහාර පද්ධතියක් සහතික කර ලීමේ රජයේ ප්රතිපත්තිය සාක්ෂාත් කර ගැනීමට අදාළ ක්රියාමාර්ග ගැනීම සඳහා ආහාර ප්රතිපත්ති හා සුරක්ෂිතතා කමිටුව බිහි කර ඇත. .
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
අග්රාමාත්ය ලේකම් ජී.පී. සපුතන්ත්රී, ජනාධිපති ජ්යෙෂ්ඨ අතිරේක ලේකම් කපිල ජනක බණ්ඩාර ඇතුළු අමාත්යංශ ලේකම්වරුන්ගෙන් සමන්විත ආහාර ප්රතිපත්ති හා සුරක්ෂිතතා කමිටුවේ සාමාජිකයින් මෙම අවස්ථාවට එක්ව සිටියහ.
