ජාතික ප්රවාහන කොමිෂන් සභාව (NTC) නිවේදනය කර ඇති ආකාරයට ජූලි 01 වැනිදා සිට බස් රථ රියදුරන් ආසන පටි පැළඳීම අනිවාර්ය කරන නීතියට අනුගත වීමට කාලයක් අවශ්ය බැවින් එම නියාමනය ක්රියාත්මක කිරීම කල් දමන ලෙස පෞද්ගලික බස් හිමියන් බලධාරීන්ගෙන් ඉල්ලා තිබේ.
අවශ්ය සවි කිරීම් නොමැති පැරණි බස් රථ සඳහා ආසන පටි ස්ථාපිත කිරිම සම්බන්ධයෙන් ප්රායෝගික ගැටලු ඇතිවන බව ඔවුහු පවසා ඇත.
පැරණි බස් රථ ප්රමිතියට ගෙන ඒම එකවර කළ නොහැකි, කාලය සහ සම්පත් වැයවන ක්රියාවලියක් බැවින් අදාල නියාමනය සඳහා වහාම අනුකූල වීම දුෂ්කර බව පෞද්ගලික බස් රථ හිමියන් දන්වා තිබේ.
එමෙන්ම ඔවුන් පවසන්නේ මාර්ග ආරක්ෂාව සඳහා මෙම නීතිය ක්රියාත්මක කිරීමේ වැදගත්කම පිළිගන්නා නමුත් මෙවැනි නීතිමය ක්රියාවලියට මැදිහත් වීමට ජාතික ප්රවාහන කොමිෂන් සභාවට බලය නැති බවය.
