කොට්ටාව බටහිර 496 D ග්‍රාම නිලධාරී කොට්ඨාසයේ 10 වැනි මාවතට යාව ඇති A ශ්‍රේණියේ කුඹුරු බිමක් මෙන්ම කොළඹ දිස්ත්‍රික්කයේ ලේඛන ගත අතිශය වැද්ගත් රැම්සා තෙත් බිමක් සිය දේශපාලන බලය සහ ඉහළ සම්බන්ධතාවල රැකවරණය ලබමින් අනීතිකව ගොඩකරමින් සිටින සෝමරත්න දිසානායක ඇතුළු පිරිසකට වහාම එම අපරාධය නතර කරන ලෙස ශ්‍රී ලංකා ඉඩම් ගොඩකිරීමේ හා සංවර්ධනය කිරිමේ සීතාවක වැටලීම් නිලධාරින් නියෝග කර ඇත.
පසුගිය 02 දා මෙම භූමියේ ස්ථානීය පරීක්ෂාවකට පැමිණි ශ්‍රී ලංකා ඉඩම් ගොඩකිරීමේ හා සංවර්ධනය කිරිමේ සීතාවක වැටලීම් නිලධාරින් විසින් මෙම නියෝගය නිකුත් කර තිබේ.
එමෙන්ම ප්‍රාදේශීය ලේකම්වරිය විසින් ට්‍රැක්ටර් පැන්නුමක් ඉදිකිරීමේ අවශ්‍යතාවයක් නැති බවත් එවැන්නක් ඉදි නොකරන ලෙසත් නෛතික උපදෙස් ලබා දී තිබිය දි මැරයන්ගේ රැකවරණය ලබමින් ප්‍රදේශවාසීන්ගේ විරෝධතා මැද ඔහු අවට ගස් කපා ට්‍රැක්ටර් පැන්නුමක් ඉදි කර ඇති බව වාර්තා වේ.
අවට ගස්වලට හානි සිදුකරමින් සැකසූ එම ට්‍රැක්ටර් පැන්නුම ද ඉවත් කරගන්නා ලෙස ස්ථානීය පරීක්ෂණය සදහා පැමිණි කොට්ටාව පොලිස් ස්ථානාධිපති සහ පරිසර පොලිසියේ ස්ථානාධිපති විසින් නියෝග කර ඇතැයි හෙළි වේ.
එම නියෝගය පොලිසිය විසින් සතියකට පමණ පෙර නිකුත් කර ඇති නමුත් මේ වනතුරුත් එම අනීතික ඉදිවත් කිරීමට සෝමරත්න දිසානායක විසින් කටයුතු කර නැති බවත් මෙවැනි බලහත්කාරි තර්ජනාත්මක හැසිරිම් ප්‍රදේශවාසීන්ට දැඩි පීඩාවක් බවත් කොට්ටාව පොලිසියට ගිය ගම්වාසින් යළිත් වරක් පැමිණිලි කර තිබේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
කෙසේ වෙතත් එම ඉදිකිරීම ඉවත් නොකරන බව සෝමරත්න දිසානායක විසින් දන්වා ඇත