ශ්‍රී ලංකා ක්‍රිකට් (එස්එල්සී) හි ඉහළ නිලධාරීන් පසුගිය සතියේ කෝප් කමිටුව හමුවේ මූල්‍ය අක්‍රමිකතා සම්බන්ධයෙන් මුහුණ දෙමින් සිටියදී, ක්‍රිකට් ආයතනය, තමන්ගේම ක්‍රීඩකයින්ට ජාත්‍යන්තර අපකීර්තියක් ඇතිකිරීමට කටයුතු කළ බවට ඉන්දීය ක්‍රිකට් වෙබ් අඩවියක් කළ විශේෂ හෙළිදරව්වකින් අනාවරණය වෙයි.
ඒ අලුතින් දියත් කරන ලද කිලෝමීටර් 2 ක යෝග්‍යතා පරීක්ෂණය, සැලසුම් සහගත ලෙස සමාජ ජාල ඔස්සේ දැඩි ප්‍රසිද්ධියක් ලබාදීමෙන් බව ඉන්දියාවේ ක්‍රිකට්ඒජ් වෙබ් අඩවිය පවසයි.
බටහිර ඉන්දීය කොදෙව් සංචාරය සඳහා සාමාජිකයන් 36 දෙනෙකුගෙන් යුත් සංචිතයට තාවකාලික පුහුණුවෙන් ක්‍රීඩකයින් 32 දෙනෙකු සහභාගී වූ අතර මෙම ශාරීරික යෝග්‍යතා පරීක්ෂණය සඳහා සුගතදාස ක්‍රීඩාංගණයේදී පවත්වන ලදී.
නව පරීක්ෂණය, ක්‍රීඩක ක්‍රීඩිකාවන්ගේ ‘යෝග්‍යතාවය සහ විඳදරාගැනීම’ මට්ටම තීරණය කිරීමේ සම්මත ක්‍රමයක් වන අතර, ශ්‍රී ලංකා ක්‍රිකට් විසින් අනුගමනය කරන ලද යෝ-යෝ ක්‍රමය වෙනුවට මෙය ආදේශ විය.
නව පරීක්ෂණයට අනුව ක්‍රීඩකයින්ට කිලෝමීටර 2 ක දුරක් මිනිත්තු 8 යි තත්පර 35 ක කාල සීමාවක් තුළ ධාවනය කිරීමේ ඉලක්කයක් ලබා දී තිබුණි.
ක්‍රීඩකයින් හතර දෙනෙකු මෙම පරීක්ෂණය සමත් කිරීමට අපොහොසත් වූ අතර සමහර ක්‍රීඩකයින් යන්තම් ලකුණු සම්පූර්ණ කිරීමට සමත් විය.
මෙම සංකල්පය දිගු කාලීනව ක්‍රීඩකයන්ගේ යෝග්‍යතා ප්‍රමිතිය නංවාලීම සඳහා හොඳ මුලපිරීමක් ලෙස හැඳින්විය හැකි වුවද, එයට ප්‍රසිද්ධියක් ඇති කිරීමට ශ්‍රී ලංකා ක්‍රිකට් ආයතනය දක්වන උනන්දුව ප්‍රශ්න මතු කළ බව එම ක්‍රිකට් වෙබ් අඩවිය පෙන්වා දේ.
ක්‍රිකට්ඒජ් නමැති එම වෙබ් අඩවියට ලද ආරංචි මාර්ග වලට අනුව, යෝග්‍යතා පරීක්ෂණය ආවරණයට ප්‍රධාන ධාරාවේ මාධ්‍යයට අවසර නොතිබුණද, ශ්‍රී ලංකා ක්‍රිකට් මාධ්‍ය ඒකකය රහසිගතව තම ප්‍රියතම පුද්ගලයින්ට ක්‍රීඩාංගණයට ඇතුළුවීමට අවසර දී ඇත.
එම පුද්ගලයින් ක්‍රීඩකයන් වෙහෙසට පත්ව බිම වැතිර සිටින විට නුසුදුසු පින්තූර ගත්තා පමණක් නොව, ඒවා රූගත කර යූ ටියුබ් වෙත මුදාහරින ලද බව ක්‍රිකට්ඒජ් පවසයි.
එහි ප්‍රතිඑලයක් වශයෙන්, මුළු රටම ඔවුන්ගේ ඡායාරූප දැක සමාජ ජාල ඔස්සේ ක්‍රීඩකයන් සමච්චලයට ලක් කළේය.
සමහර ජ්‍යෙෂ්ඨ ක්‍රීඩකයින් පවා මේවා දැක පැවසුවේ ඔවුන්ගේ ශරීර යෝග්‍යතා පරීක්ෂණ ඡායාරූප සහ වීඩියෝ සමාජ මාධ්‍යවල දැකීම පිළිකුල් සහගත බවත් එය රහසිගතව කළ යුතු බවත්ය.
“එය ඔලිම්පික් තරඟයක් නොවේ. එය ශාරීරික යෝග්‍යතා පරීක්‍ෂණයක් වූ අතර එය මහජන ප්‍රදර්ශනයට එක් කිරීමේ අවශ්‍යතාවයක් නෑ. එය ක්‍රීඩකයන්ගේ ප්‍රතිරූපය විශාල හානියක් එක් කළා පමණක් නෙවෙයි, එය බිය උපදවන අනතුරු හැඟවීමේ ලකුණක් ” ජ්‍යෙෂ්ඨ ක්‍රීඩකයෙක් ක්‍රිකට්ඒජ් වෙත පැවසීය.
ශ්‍රී ලංකා ක්‍රීඩකයන්ගේ ශාරීරික යෝග්‍යතා පරීක්ෂණයට දින දෙකකට පෙර ඉන්දීය ක්‍රිකට් ක්‍රීඩකයින් ද එම පරීක්ෂණවලට මුහුණ දී තිබීම සිත්ගන්නා කරුණකි.
කෙසේ වෙතත්, එය සිදු කරනු ලැබුවේ කිසිදු ඡායාරූපයක් මාධ්‍යයට බෙදා හැරීම හෝ කාන්දු වීමක් සිදු නොවන අයුරිනි.
යෝග්‍යතා පරීක්ෂණය සමාජයට මුදාහළ ශ්‍රී ලංකා ක්‍රිකට් ආයතනයේ හිතවත් මාධ්‍යවේදීන් පැහැදිලිවම, ඔවුන් හිටපු මණ්ඩලයේ සභාපති තිලන්ග සුමතිපාලගේ පක්ෂපාතී අය බැවින් ඔවුන් නීතියට ඉහළින් සලකන බවත් එම වෙබ් අඩවිය පැවසීය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
එහි සිටින මාධ්‍ය කළමනාකරු අකාර්යක්ෂම වන අතර එය විවෘත රහසක් බවද කෙසේ වෙතත්, ක්‍රීඩකයන්ගේ යෝග්‍යතා පරීක්ෂණයෙන් ලාභදායී ප්‍රචාරයක් ලබා ගැනීමට ඔවුන්ට උපදෙස් දුන්නේ කවුරුන්ද යන්න විමර්ශනය කළ යුතු බවත් එම හෙලිදරව්ව ඔස්සේ වැඩිදුරටත් අවධාරණය කර ඇත.