වයස අවුරුදු 16ට අඩු දරුවන් සඳහා සමාජ මාධ්ය භාවිතය තහනම් කිරීම සහ සීමා කිරීම සම්බන්ධයෙන් අදාළ පාර්ශ්වයන්ගෙන් යෝජනා ලබා ගැනීම සඳහා වන මූලික සාකච්ඡාවක් විවිධ ආයතන සම්බන්ධ කරගනිමින් කාන්තා හා ළමා කටයුතු අමාත්යාංශය විසින් ආරම්භ කර තිබේ.
දරුවන්ගේ සමාජ මාධ්ය භාවිතය හේතුවෙන් ඇතිවිය හැකි සමාජීය, මානසික හා සෞඛ්යමය බලපෑම්, ඩිජිටල් ආරක්ෂාව සහ ජාත්යන්තර අත්දැකීම් පිළිබඳව එහිදී දීර්ඝ ලෙස සාකච්ඡා වී ඇති අතර, ඒ අනුව වයස අවුරුදු 16ට අඩු දරුවන්ගේ සමාජ මාධ්ය භාවිතය අවම කිරීම සඳහා ජාතික මාර්ගෝපදේශ සංග්රහයක් සැකසීමට ද අවධානය යොමු වී ඇත.
දරුවන්ගේ මානසික සෞඛ්යය ප්රවර්ධනය කිරීමේ අරමුණින් ජාතික මට්ටමේ දැනුම්වත් කිරීමේ කථිකාවක් ගොඩනැඟීමටත්, ඩිජිටල් සෞඛ්යය (Digital Health) පිළිබඳ උපදෙස් ලබා ගනිමින් විශේෂඥ කමිටුවක් පත් කිරීමටත් මෙහිදී තීරණය වී තිබේ. ශ්රී ලංකාවේ සන්දර්භයට සුදුසු පරිදි ගත හැකි ක්රියාමාර්ග හඳුනාගෙන, අදාළ යෝජනාවලිය මෙම වසර තුළ දී ම කැබිනට් මණ්ඩලයට ඉදිරිපත් කිරීමට කටයුතු කරන බව අගමැතිනී ආචාර්ය හරිනි අමරසූරිය අද පාර්ලිමේන්තුවේ දී ප්රකාශ කළාය.
දරුවන් විෂයෙහි සමාජ මාධ්ය භාවිතය සීමා කිරීමේ රජයේ අභිලාෂය දක්වමින් අගමැතිනිය මේ බව අවධාරණය කළාය.
