ඉන්ධන මිල ඉහළ ගිය ද බස් ගාස්තු වැඩිවීමක් නොවන බව ජාතික ප්රවාහන කොමිෂන් සභාව පවසයි. එහි අධ්යක්ෂ ජනාරාල් නිලාන් මිරැන්ඩා පැවසුවේ ඊයේ මධ්යම රාත්රියේ සිට ඩීසල් මිල ඉහළ ගිය ද එය බස් ගාස්තු සංශෝධනයක් සඳහා අවශ්ය ප්රතිශතයකින් නොවන බවය.
එහිදී අධ්යක්ෂ ජනරාල්වරයා මෙසේ පැවසුවේය.
ඊයේ මධ්යම රාත්රියේ සිට වැඩි වූ ඉන්ධන මිලට සාපේක්ෂව බස් ගාස්තුවේ වැඩි වීමක් වෙන්නෙ නෑ. අන්තර්වාර බස් ගාස්තු සංශෝධනයේ යම් ප්රතිශතයක් තියනවා. ඒ ප්රතිශතයට අදාල නොවන නිසා මේ බස් ගාස්තු වැඩිවීමක් සිද්ධ වෙන්නෙ නෑ.
සාමාන්යයෙන් අන්තර්වාර බස් ගාස්තු අඩුවීමක් හෝ වැඩිවීමක් සිදුවෙනවා නම් ඒ ඉන්ධන මිල වැඩිවීම සියයට හතරක බලපෑමක් විය යුතුයි. මෙම වැඩි වූ ඉන්ධන මිල ඩීසල් මිල සියයට 1.74ක වැඩවීමක් පමණයි තිබෙන්නේ. ඒ නිසා බස් ගාස්තුවේ වැඩිවීමක් සිද්ධ වෙන්නේ නෑ.”
ජාතික ගමනාගමන කොමිෂන් සභාවේ අධ්යක්ෂ ජනරාල් ආචාර්ය නිලාන් මිරැන්ඩා අවධාරණය කළේය.
කෙසේ වෙතත් සමස්ථ ලංකා අන්තර් පාසල් ළමුන් ප්රවාහන සංගමය පවසන්නේ ඉන්ධන ගාස්තු වැඩිවීමත් සමග පාසල් ප්රවාහන ගාස්තුව සියයට 5 සිට සියය 10 දක්වා මිලකින් වැඩිවන බවය.
