පෙරටුගාමී සමාජවාදී පක්ෂයේ මධ්යම කාරක සභාව විසින්, “ණය ප්රතිව්යූහගතකරණය හා දිගුකාලීන අසමත් රාජ්යයක අවදානම” යන ශිර්ෂයෙන් යටතේ ලිපියක් යොමු කර තිබේ.
ඊයේ (27) දිනයේ දී ජනාධිපතිවරයා වෙත යොමු කළ පිටු 13කින් යුතු එම දීර්ඝ ලිපියේ දැක්වෙන්නේ ණය ප්රතිව්යූහගතකරණ සැලැස්ම ලංකාවට වාසිදායක ලෙස යලි සකස් කර නොගතහොත් ඇතැම් රටවල අත්දැකීම් අනුව යළි බංකොලොත්භාවට පත්වීමේ අත්දැකීමට ලංකාවට මුහුණදීමට සිදුවනු ඇති බවය.
ඔවුන් පෙන්වා දෙන්නේ වත්මන් ආර්ථික දේශපාලන අර්බුදය ඉතාම තියුණු සහ පැතිරුණ ස්වරූපයක් ඇති බවත්, එයට ප්රතිචාර දැක්වීමට හා එය වෙනස් කිරීමට දිගු කාලීන සහ ප්රතිපත්ති මත පදනම් වූ දේශපාන වෑයමක් අවශ්ය බවත් ඔවුහු ජනාධිපතිවරයාට ලියා දන්වති.
ජාත්යාන්තර මුල්ය අරමුදලේ න්යාය පත්රය උගුලක් බව පෙන්වා දෙන පෙරටුගාමී සමාජවාදී පක්ෂය ඉන් ඉවත් වීමට තමන් තදින්ම යෝජනා කලත් මේ වනවිට ඇති තත්ත්වය තුළ රටටත් ජනතාවටත් සිදුවීමට යන විනාශය අවම කිරීම සඳහා අඩුම තරමින් විකල්ප ණය තිරසකරණය සැලැස්මට හා ජාත්යාන්තර මූල්ය අරමුදලේ ගිවිසුම් ජනතාවට හිතකර අයුරින් සංශෝධනයට නව රජය ප්රවේශ විය යුතු බවය.
ජාත්යන්තර ස්වෛරී බැඳුම්කර, ද්විපාර්ශික ණය හා බහුපාර්ශ්වීය ණය ප්රතිව්යුහගතකරණයෙන් පසුව 2028 වසරේ සිට ඩොලර් බිලියන 4-5ක පමණ විශාල වාරිකයක් ශ්රී ලංකාවට ගෙවීමට සිදුවනු ඇති බවත් එය වත්මන් මුල්ය අනුපාතවලට අනුව ගතහොත් රුපියල් බිලියන 1200-1500ක පමණ අමතර ඉපයීමක් මේ සඳහා රජයට තිබිය යුතු බවත් එම ලිපියේ සඳහන්ව තිබේ.
එමෙන්ම ඩොලර් සංචිතයද මේ සඳහා ප්රමාණවත් මට්ටමට ප්රසාරණය විය යුතු නමුත් පෙනී යන ආකාරයට මෙය ඉතාමත් තියුණු අභියෝගයක් වනු ඇති බවත් එම ලිපියේ සඳහන් ව ඇත.
මෙම ගැටලුව පිළිබඳ ඉතාම ගැඹුරු අධ්යයනයකින් හා විශ්ලේෂණයකින් පසුව අවම වශයෙන් ජනාධිපතිවරණයේදී ලබාදුන් පොරොන්දුව වූ ‘විකල්ප ණය තිරසරකරණයකට’ හා ජනතාවයට අවාසිදායක වන කොන්දේසි ජාත්යන්තර මුල්ය අරමුදලේ න්යායපත්රයෙන් ඉවත්කර ගැනීමේ වගකීම ජාතික ජනබලවේගය ආණ්ඩුව සතුව ඇති බවද එම ලිපිය මගින් පෙරටුගාමී සමාජවාදී පක්ෂය වැඩිදුරටත් සඳහන් කර තිබේ.
සම්පූර්ණ ලිපිය පෙරටුගාමී සමාජවාදී පක්ෂයේ ෆේස් බුක් පිටුවේ පළ කර තිබේ. පහත දිගුවෙන් එය ලබා ගත හැකිය.
