- අම්මා කුප්‍රකට සූර්යා සමාගමේ අධ්‍යක්ෂ මණ්ඩලයේ සිටින බව දන්නෙ නෑ…
- එම සමාගමේ ලිපිනය විදිහට තමන්ගේ නිවස යොදාගෙන ඇති බවත් දන්නෙ නෑ….
- තනි අයිතියක් සහිත තමන්ගේ උපදේශන සමාගම මොනාච් රෙසිඩන්සීස් නිවස ලබා දුන් අධ්‍යක්ෂ මණ්ඩල තීන්දුවත් හොයා ගන්න නෑ..
පොලිස් මූල්‍ය අපරාධ ඒකකයේ (එෆ්.සීඅයි.ඩී) පළමු අධ්‍යක්ෂවරයා වූයේ නියෝජ්‍ය පොලිස්පති රවී වෛද්‍යාලංකාරය. මේ වනවිට රවී වෛද්‍යාලංකාර සහ ඔහුගේ බිරිය සම්බන්ධයෙන් එෆ් සී අයි ඩියෙන්ම මූල්‍ය විශුද්ධිකරණයට අදාළ විමර්ශනයක් කෙරෙන්නේය.
එෆ්.සී.අයි.ඩි ය මේ වනවිට රවි වෛද්‍යාලංකාරගේ පුත් අසේල වෛද්‍යාලංකාරගෙන්ද ප්‍රශ්න කර ඇත්තේය. එහිදී අසේල වෛද්‍යාලංකාරට අයත් බව කියන රුපියල් කෝටි 5.2කට අධික වටිනාකමක් ඇති කොල්ලුපිටිය අති සුඛෝපභෝගී මොනාච් රෙසිඩන්සීස්හී නිවසක් හිමි වීම පිළිබඳ ප්‍රධාන වශයෙන්ම ප්‍රශ්න කෙරනි. එහිදී අසේල වෛද්‍යාලංකාර කීවේ ඔහු 2015 දී ආරම්භ කළ උපදේශන සේවා සමාගම හරහා සිදු කළ මැණික් අපනයන ව්‍යාපාරයකින් උපයාගත් මුදලින් එම නිවස මිලදී ගත් බවය.
ඔහුගේ ප්‍රකාශයට අනුව අදාල උපදේශන සමාගම ආරම්භ කිරීමට අවශ්‍ය මුදල් තම මව විසින් ඔහුට උපන් දින ත්‍යාගයක් ලෙස ලබා දී තිබේ. එම මුදල රුපියල් ලක්ෂ 60කි. පසුව ඊට රැකියාවෙන් ඉතිරි කර ගත් මුදල් ද ඊට යෙදවූ බව ඔහු මූල්‍ය අපරාධ කොට්ඨාස විමර්ශන නිලධාරීන් හමුවේ පවසා තිබුණේය. එම විමර්ශනයට අදාළ බී වාර්තාව පසුගියදා අධිකරණය හමුවේ ගොනු කොට ඇති බව පසුගිය ඉරිදා (05) ද සන්ඩේ ටයිම්ස් පුවත්පත වාර්තා කළාය.
මෙම බී වාර්තාව ගොනු කොට ඇත්තේ මේ වනවිට පොලිස් අත්අඩංගුවේ පසුවන ඇමෙරිකාවේ නීතිපති කාර්යාලයෙන් අධි චෝදනාවලට ලක්ව සිටින මූල්‍ය වංචාකරුවකු ලෙසින් සැලකෙන රියෙන්සි එඩ්වඩ්ස් නැමැත්තා සහ ඔහුගේ බිරිය සම්බන්ධයෙන් සිදු කෙරෙන විමර්ශනයකට අදාළවය.
රියෙන්සි එඩ්වඩ්ස් සහ ඔහුගේ බිරිය පුණ්‍යා එඩ්වඩ්ස් සමඟ තවත් පුද්ගලයන් කිහිප දෙනකු ඇමෙරිකාවේ ක්‍රියාත්මක කරන ලද ව්‍යාජ ආයෝජන යෝජනා ක්‍රමයක් හරහා ඇමෙරිකානු ඩොලර් මිලියන 50කට අධික මුදලක් වංචා කොට ඇති බව බව ප්‍රකාශ වුනේය. ඔහු සම්බන්ධයෙන් එරට අධිකරණ ක්‍රියාදාමයක් ආරම්භ කර ඇත්තේය. ඔවුන් විසින් වංචා කරන ද මුදලින් හෙළි නොවූ ප්‍රතිශතයක් ශ්‍රි ලංකාවටද එවා ඇති අතර ඒවා මෙරට විවිධ සමාගම් හරහා ආයෝජනය කර ඇති බව වාර්තා විය.
මෙරට ලියාපදිංචි සූර්යා ඉන්ටර්නැෂනල් නම් සමාගමද මෙම මුදල් ආයෝජනය හරහා ආරම්භ කළ සමාගමක් බවට පැමිණිලි ලැබී තිබිණි. හිටපු එෆ්.සී.අයි.ඩී ප්‍රධානී රවී වෛද්‍යලංකාරගේ බිරිඳ වන මේරි බැසිලිකා එම සමාගමේ අධ්‍යක්ෂවරියක ලෙස කටයුතු කළාය. පසුගිය කාලයේ එම සිද්ධිය මහත් ආන්දෝලනයකට තුඩු දුන්නේය.
පසුගිය රජය විසින් වෙනම කොට්ටාසයක් ලෙස ආරම්භ කළද මේ වනවිට අපරධ පරීක්ෂණ දෙපාර්තමේන්තුවේ ඒකකයක් ලෙස පවත්වාගෙන යන මූල්‍ය අපරාධ ඒකකයේ නිලධාරීන් වෛද්‍යලංකාර පුත් අසේලගෙන් ප්‍රශ්න මෙම නිවස පිළිබඳව ප්‍රශ්න කොට ඇත්තේ මතභේදාත්මක සූර්යා ඉන්ටර්නැෂනල් සමාගමේ ලියාපදිංචි ලිපිනය ලෙස මෙම මොනාච් රෙසිඩන්සීස් හි ඔහුට අයත් නිවස නම් කිරීම නිසාය.
එසේ වුද මේ පිළිබඳව සිදු කරන ලද ප්‍රශ්න කිරීම්වලදී ඔහු පවසා ඇත්තේ තමන් ඒ පිළිබඳව කිසිවක් ප්‍රශ්න කරන තෙක් නොදන්නා බවය. එසේම තමන් ගේ මව එවැනි සමාගමක අධ්‍යක්ෂවරියක ලෙස කටයුතු කරන බව ද තමන් නොදන්නා බව ඔහු විසින් ප්‍රකාශ කර තිබුණේය.
මේ වනවිට අපරාධ පරීක්ෂණ දෙපාර්තමේන්තුව යටතේ පවතින මූල්‍ය අපරාධ විමර්ශන ඒකකය එනම් එෆ්.සී.අයි.ඩී ය විසින් ඔහුගෙන් ප්‍රශ්න කර ඇත්තේ කොල්ලුපිටිය මොනාච් සුපිරි නිවාස සංකීර්ණයේ නිවසක් මිල දී ගැනීමට රුපියල් පන්කෝටි විසි ලක්ෂයක් උපයා ගත්තේ කෙසේ ද යන්න පිළිබඳවය.
ඒ සිදු කරන ලද ප්‍රශ්න කිරීම්වලදී ඔහු පවසා ඇත්තේ තමන් විසින් ආරම්භ කරන ලද මැණික් අපනයනය කිරීමේ ව්‍යාපාරයෙන් උපයාගත් රුපියල් හාරකෝටි විසි අට ලක්ෂ පනස් දහසක් මුදලක් මොනාච් සුපිරි නිවාස සංකීර්ණයෙන් නිවසක් මිල දී ගැනීමට යොදා ගත් බවය.
වර්ෂ 2015 දී ආරම්භ කරන ලද තම උපදේශන සේවා සමාගමේ අධ්‍යක්ෂ මණ්ඩල තීන්දුවකට අනුව මැණික් අපනයනය කිරීමේ බලපත්‍රයක් ලබා ගෙන මැණික් අපනයනට පිවිස බවත්, ඊට පසුව එයින් ඉපැයූ මුදල් යළිත් අධ්‍යක්ෂ මණ්ඩලයේ තීන්දුවකට අනුව මෙම මොනාච් සුපිරි නිවස මිලදී ගැනීමට වැය කළ බවත් අසේල වෛද්‍යලංකාර දී ඇති කටඋත්තරයේ සඳහන් වන බව වාර්තා විය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
කෙසේ වුවද තම තනි අයිතිය සතු මෙම සමාගමේ උක්ත අධ්‍යක්ෂ මණ්ඩල තීරණ පිළිබඳව කිසිදු සටහනක් හඳුනා ගැනීමටද එෆ්සීඅයි.ඩී නිලධාරීන්ට හැකිව නැත.