රන් ආලේපිත ටී-56 (T-56) ගිනිඅවියක් ළඟ තබා ගැනීමේ සිද්ධියට අදාළව හිටපු අමාත්ය දුමින්ද දිසානායකව එම නඩුවේ සැකකරුවෙකු ලෙස නම් කරන ලෙස නීතිපති දෙපාර්තමේන්තුව පොලිසියට උපදෙස් දී තිබේ.
පසුගිය වසරේ දී මෙම සිද්ධියට අදාළව මුලින්ම අත්අඩංගුවට ගනු ලැබූ දුමින්ද දිසානායකව රිමාන්ඩ් බන්ධනාගාරගත කර සිටි අතර, පසුව ඔහුට එරෙහිව නීතිමය පියවර ගැනීමට ප්රමාණවත් සාක්ෂි නොමැති බව පවසමින් නිදහස් කරනු ලැබීය.
කෙසේ වෙතත්, අදාළ ගිනිඅවිය සඟවා තැබීමට ආධාර සහ අනුබල දීමේ චෝදනාව යටතේ ඔහුව නැවතත් සැකකරුවෙකු ලෙස නම් කරන ලෙස නීතිපති දෙපාර්තමේන්තුව විසින් පොලිසිය වෙත නව උපදෙස් මාලාවක් නිකුත් කර ඇත.
පසුගිය වසරේ හැව්ලොක් සිටි (Havelock City) මහල් නිවාස සංකීර්ණයේ දී කාන්තාවන් දෙදෙනෙකු සමඟ මෙම රන් ආලේපිත ටී-56 ගිනිඅවිය සොයා ගැනීමෙන් පසුව ඔහුව මුලින්ම අත්අඩංගුවට ගෙන තිබුණි.
මේ අතර, මීළඟ නඩු දිනයේ දී උසාවියේ පෙනී සිටින ලෙස දන්වමින් දුමින්ද දිසානායක වෙත නොතීසි නිකුත් කරන ලෙස ගල්කිස්ස මහේස්ත්රාත් අධිකරණය නියෝග කර තිබේ. ( සන්ඩේ ටයිම්ස්)
