ලලිත් චාමින්ද –
පළාත් පාලන ඡන්ද විමසීම කඩිනමින් පවත්වන ලෙස ශ්රේෂ්ඨාධිකරණය මැතිවරණ කොමිසමට ලබාදුන් නියෝගයත් සමග ජනාධිපති රනිල් වික්රමසිංහට සහයෝගය ලබාදිම සඳහා එක්ව සිටින ශ්රි ලංකා පොදුජන පෙරමුණේ හිටපු පළාත් පාලන නියෝජිතයින් දෙලොවක් අතර තනිවි ඇති බැව් ශ්රි ලංකා පොදුජන පෙරමුණට සම්බන්ධ ආරංචි මාර්ග සදහන් කරයි.
මෙම පළාත් පාලන නියෝජිතයින් පළාත් පාලන මැතිවරණය සඳහා තරග කිරිමට නාම යෝජනා භාරදි ඇත්තේ ශ්රිලංකා පොදුජන පෙරමුණෙනි. මේ වනවිට පළාත් පාලන ඡන්දවිමසිම මැතිවරණ කොමිසම් සභාව විසින් කල්දමා ඇත.
දැනට ප්රධාන දේශපාලන පක්ෂවලින් හා ස්වාධින කණ්ඩායම්වලින් ලබා දුන් නාම යෝජනා පත්රවලට අනුව ඉදිරියේ දි පළාත් පාලන මැතිවරණය පැවැත්විමට කටයුතු කළහොත් ජනාධිපතිවරයාට සහයෝගය ලබා දීම සඳහා එක්ව සිටින පොහොට්ටුවේ පළාත් පාලන නියෝජිතයින් දේශපාලනික වශයෙන් ගැටලු රැසකට ලක්වනු ඇතැයි වාර්තා වේ.
නාම යෝජනා බාර දුන් පොහොට්ටුවේ අපේක්ෂකයින්ට තරග කිරිමට සිදුවන්නේ ශ්රි ලංකා පොදුජන පෙරමුණෙනි. වෙනත් ජනාධිපති අපේක්ෂකයෙකුට සහයෝගය ලබාදෙන පොහොට්ටුවේ මන්ත්රිවරුන්ට හා පළාත් පාලන නියෝජිතයින්ට එරෙහිව විනය පියවර ගැනීමට ශ්රි ලංකා පොදුජන පෙරමුණේ දේශපාලන මණ්ඩලය විසින් තීන්දුකොට ඇත.
මෙම නඩු තීන්දුවත් සමග පොහොට්ටුවේ පළාත් පාලන නියෝජිතයින් රැසක් යලි ශ්රිලංකා පොදුජන පෙරමුණ සමග එක්විමට සාකච්ඡා පවත්වමින් සිටින බවද ශ්රිලංකා පොදුජන පෙරමුණට සම්බන්ද ආරංචි මාර්ග සඳහන් කරයි.
