එළැඹෙන මාර්තු මස 04 වැනිදා සිට දිවයිනේ පිහිටි ඕනෑම මෝටර් රථ ප්රවාහන දෙපාර්තමේන්තු කාර්යාලකින් සේවාවන් ලබාගැනීම සඳහා දිනයක් සහ වේලාවක් කලින් වෙන්කර ගැනීම අනිවාර්ය බව මෝටර් රථ ප්රවාහන කොමසාරිස් ජනරාල් නිශාන්ත අනුරුද්ධ වීරසිංහ සදහන් කළේය.
මෝටර් රථ ප්රවාහන දෙපාර්තමේන්තුව හරහා ලබා ගන්නා සේවාවන් මාර්තු මස 4 වැනිදා සිට ඩිජිටල් ක්රමවේදයකට සිදුකිරීමත් සමග මෙම ප්රවේශය හඳුන්වා දී ඇත.
ඒ පිළිබඳව වැඩිදුරටත් අදහස් දැක්වූ මෝටර් රථ ප්රවාහන දෙපාර්තමේන්තුවේ කොමසාරිස් ජනරාල් නිශාන්ත අනුරුද්ධ වීරසිංහ මෙසේ ද පැවසීය.
“ලබන සඳුදා සිට ඒ කියන්නේ මාර්තු 4 වැනිදා ඉඳලා අපේ ලංකාවේ තියෙන සියලුම මෝටර් රථ ප්රවාහන දෙපාර්තමේන්තුවට අයිති කාර්යයන් ඉටුකරන කාර්යාලවලට පැමිණෙන සියලුම සේවාලාභීන් අනිවාර්යයෙන්ම තමාට අදාළ වේලාවක් ඒ අදාළ දිනය තුළ වෙන්කරගෙන අදාළ කාර්යය සඳහා පැමිණීම අනිවාර්යය වෙනවා.
මේකට ස්වයංක්රීය දුරකථන අංකයක් අපි හඳුන්වා දීලා තියෙනවා.
මේ දුරකථන අංකය වෙන්නේ 2 117 116 කියන එක.
තමන්ට අවශ්ය සේවාව ලබාගැනීම තෝරාගත්තාට පස්සේ අවසානයේදී තමන්ගේ දුරකථන අංකය සහ හැඳුනුම්පත් අංකය තෝරාගන්න තියෙනවා.
එම ඇතුළත් කළාම ඔබතුමාල සෑම කෙනෙකුටම ඔබතුමාලාගේ තියෙන දුරකථන අංකයට කෙටි පණිවුඩයක් හම්බවෙනවා අදාළ කාර්යය සඳහා පැමිණිය යුතු දිනය වෙලාව සහ ස්ථානය සඳහන් වෙලා.
ඊට අමතරව අපි වෙබ් අඩවියක් හඳුන්වාදීලා තියෙනවා www.dmtappointments.dmt.gov.lk කියලා.”
