ශ්රියානි විජේසිංහ –
වටේ සිට උපදෙස් දී ජනාධිපතිවරුන් අමාරුවේ දැමූ වන්දිභට්ටයන් පිළිබඳ ඉතිහාසයක් ඇත් බවත් ඒ වන්දිභට්ට පිරිස් එදා මෙන්ම අදත් සිටින බැවින් වඩාත් කල්පනාකාරි වන ලෙසත් රජයේ වෛද්ය නිලධාරීන්ගේ සංගමය ජනාධිපතිවරයාගෙන් විශේෂ ඉල්ලීමක් කරයි.
ජනාධිපතිවරයාට සෞඛ්ය පද්ධතිය පිලිබඳව උපදෙස් දී ඇති පිරිස කිසියම් දේශපාන භූමිකාවක් කරන වෛද්යවරුන් පිරිසක් විය හැකි නමුත් ඔවුන්ට සෞඛ්ය පද්ධතියේ තියෙන ගැටලු ගැන අවබෝධයක් නොමැති බවක් පෙනී යන්නේ යැයි සංගමයේ සභාපති වෛද්ය ප්රභාත් සුගතදාස සඳහන් කරයි.
මෙවර අය වැය මගින් කිරීමට බලාපොරොත්තු වී ඇත්තේ කළ යුතු දේමද යන්න ප්රශ්නයක් වී ඇති බව ද හෙතෙම පවසා සිටියි.
සෞඛ්ය ක්ෂේත්රයේ සැබෑ ප්රශ්නය රජයේ වෛද්ය නිලධාරීන්ගේ සංගමය ලෙස තමන් ජනාධිපතිවරයාට ලබා දී ඇති නමුත් එය පසෙකලා වෙනත් ප්රශ්නවලට උත්තර දීමට උත්සහ කිරීම තුළ සෞඛ්ය ක්ෂේත්රයේ කඩා වැඩීම නතර කළ නොහැකි යැයි හෙතෙම අවධාරණය කරයි.
මේ වන විට සෞඛ්ය ක්ෂේත්රය තුළ ගැටලු රාශියක් පවතින බැවින් ඒ පිලිබදව සාකච්ඡා කිරීමට සංගමය ජනාධිපතිවරයාගෙන් ඉල්ලීම් කළත් ඇතැම් පාර්ශ්ව එයට ඉඩ ලබා නොදීම හේතුවෙන් සෞඛ්ය ක්ෂේත්රයේ සැබෑ ප්රශ්න ජනාධිපතිවරයා නොදන්නා බව ද සැබෑ ප්රශ්නයට මෙවර අයවැය තුළින් විසදුම් ලැබී නොමැති බව වෛද්ය සුගතදාස මහතා පෙන්වාදේ.
සෞඛ්ය පද්ධතිය මේ වන විට ප්රශ්න රැසක් මැද පවත්වාගෙන යාමට සිදුව ඇති බවත් වැරදි තීන්දු තීරණයන් ගෙන අවුල් ජාලයක් බවට පත් නොකරන්නැයිද සංගමය ඉල්ලීමක් කරයි.
