ශ්‍රී ලංකාව ලොව වඩාත්ම දුක්ඛිත රටවල් 11 අතරට එක්ව තිබේ.
ලෝක ප්‍රකට ආර්ථික විශේෂඥයෙකු වන ස්ටීව් හැන්ක් විසින් සකස් කළ වාර්ෂික දර්ශකයකට අනුව ලොව වඩාත් දුක්ඛිත රටවල් අතර ශ්‍රී ලංකාවට 11 වැනි ස්ථානය හිමිව ඇත.
ලෝකප්‍රකට ආර්ථික විශේෂඥය කු වන ස්ටීව් හෑන්ක් විසින් සකස් කළ 2022 වාර්ෂික දර්ෂකයට අනුව එම ස්ථානය ශ්‍රී ලංකාවට හිමිව ඇත.
මෙම දර්ශකයට රටවල් 157 ක් ඇතුළත් වේ.
සිම්බාම්වේ, වෙනිසියුලාව හා සිරියාව පිළිවෙළින් පළමු ස්ථාන හිමි කරගෙන තිබේ. හතරවන ස්ථානය ලෙබනනයටත් හිමිව ඇත.
සුඩානය, ආර්ජන්ටිනාව, යේමනය, යුක්‍රේනය, කියුබාව සහ තුර්කිය පස්වන ස්ථානයේ සිට පිළිවෙලින් 10 වන ස්ථානය දක්වා පසු වේ.
ශ්‍රී ලංකාව 11 වන ස්ථානයට නම් කිරීමට හේතුවී ඇත්තේ රට තුළ පැවති ඉහළ උද්ධමනයයි.
මෙම ශ්‍රේණිගත කිරීමට රටවල් ඇතුළත් කිරීමේදී විරැකියාව, උද්ධමනය, බැංකු ණය අනුපාත සහ දළ දේශීය නිෂ්පාදිතයේ වෙනස්කම් සලකා බලා ඇත. ඒ අනුව 2022 වසරේ ශ්‍රී ලංකාවේ විරැකියාව සියයට 6 යි දශම 5 ක මට්ටමක පැවති බවත්, උද්ධමනය සියයට 57 ඉක්මවා ගොස් තිබූ බවත් ස්ටිව් හෑන්ක්ගේ වාර්තාවේ ඇතුළත්ය.
ඒක පුද්ගල දළදේශීය නිෂ්පාදිතයේ වාර්ෂික ප්‍රතිශතය සෘණ වර්ධනයක පැවති බවත්, එය සියයට සෘණ 9 යි දශම 3 ක් බවත් එම වාර්තා මඟින් කියා සිටියි..
ශ්‍රී ලංකාවේ බැංකු ණය දීමේ අනුපාතය සියයට 20 ත් ඉක්මවා තිබූ බවද ස්ටිව් හෑන්ක් කියා සිටියි. ලොව දුක්ඛිතම රටවල් වර්ගීකරණයේ ශ්‍රී ලංකාවට හිමි ලකුණු සංඛ්‍යාව 99 යි දශම 6 යි 3කි.
අධික විරැකියාවෙන් පෙළෙන ඉන්දියාවද වඩාත්ම දුක්ඛිත රටවල් 157 න් 103 වන ස්ථානයේ පසු වේ.
ආර්ථික විශේෂඥ ස්ටිව් හෑන්ක්ගේ නවතම වාර්තාවට අනුව අවම දුක්ඛිත රට ලෙස නම් කර ඇත්තේ ස්විස්ටර්ලන්තයයි. ලොව සතුටින්ම සිටින රට ලෙස අඛණ්ඩව 6 වතාවක් නම්වූ ෆින්ලන්තය ලොව දුක්ඛිතම රටවල් දර්ශකයේ 109 වන ස්ථානයේ පසුවේ.
අමෙරිකාව එම ශ්‍රේණිගත කිරීමේ 134 වන ස්ථානයේ පසුවන බවයි ස්ටිව් හෑන්ක් පවසයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
ලොව අවම දුක්ඛිත රටවල් අතර කුවේට්, අයර්ලන්තය, ජපානය සහ මැලේසියාව පිලිවෙලින් දෙකේ සිට 5 වන ස්ථානය දක්වා නම් කර ඇත. තායිවානය, නයිජර්, තායිලන්තය, ටෝගෝ සහ මෝල්ටාව අවම දුක්ඛිත රටවල් අතරට අයත් වේ.