අයිසීසී විස්සයි 20 ලෝක කුසලාන තරඟාවලියේ සිය පළමු නිල පුහුණු තරගය සඳහා ශ්‍රී ලංකාව බංගලාදේශය සමග අද (12) තරග වදිනු ඇත.
මෙම තරගය එක්සත් අරාබි එමීර් රාජ්‍යයේ අබුඩාබි හි ටොලරන්ස් ඕවල් ක්‍රීඩාංගණයේදී අද පස්වරු 7.30 ට ආරම්භ වීමට නියමිතය.
එහෙත් ශ්‍රී ලංකාවේ පළමු පුහුණු තරගය සජීවීව ආවරණය කරන රූපවාහිනී විකාශයක් නොමැති බව අයිසීසී ය නිවේදනය කළේය. එමෙන්ම ක්‍රික් ඉන්ෆෝ ක්‍රිකට් වෙබ් අඩවිය ද පන්දුවෙන් පන්දුව ආවරණය කරන තරඟයේ සජීවී වාර්තාකරණය ලබා නොදෙන නමුත් තරගයේ ලකුණු යාවත්කාලීන කිරීම් සිදු කරනු ඇත.
මේ වනවිට වනිඳු හසරංග සහ දුෂ්මන්ත චමීර ඉන්දීය ප්‍රිමියර් ලීග් තරගාවලියෙන් පසු කණ්ඩායමට එක් වී සිටිති. දැන් ශ්‍රී ලංකා කණ්ඩායමේ 15 දෙනෙකුගෙන් යුත් ලෝක කුසලාන සංචිතය තරගාවලිය සඳහා සූදානම්ය.
වනිඳු හසරංග සහ දුෂ්මන්ත චමීර සමඟ ආබාධයෙන් සුවය ලැබූ කුසල් ජනිත් පෙරේරා ද සංචිතයට එක් වීමට ඉඩ තිබේ.
මෙම තරගයෙන් අනතුරුව, අයිසීසී විස්සයි 20 ලෝක කුසලාන තරඟාවලියේ දෙවන පුහුණු තරගය පැපුවා නිව්ගිනියාව සමග ඔක්තෝබර් 14 වන බ්‍රහස්පතින්දා අබුඩාබි හි ටොලරන්ස් ඕවල් ක්‍රීඩාංගණයේදී ක්‍රීඩා කරනු ඇත.
ලෝක කුසලාන තරගාවලිය නිල වශයෙන් ඔක්තෝම්බර් 17 දා ආරම්භ වේ. ඔක්තෝම්බර් 18 වෙනිදා පැවැත්වෙන ICC විස්සයි 20 ලෝක කුසලාන තරඟාවලියේ පළමු නිල තරගය ශ්‍රී ලංකාව සහ නැමීබියාව අතර පැවැත්වේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
අනතුරුව ඔක්තෝම්බර් 20 සහ 22 දෙදින තුළ සුපිරි කණ්ඩායම් 12 තුළට ඇතුළත් වීම සඳහා සුදුසුකම් ලැබීමේ තරඟ වලදී ශ්‍රී ලංකාව අයර්ලන්තය සහ නෙදර්ලන්තය සමඟ ක්‍රීඩා කරනු ඇත.