ශ්රියානි විජේසිංහ –
ශ්රේණි වෛද්යවරුන්ගේ ස්ථානමාරු ක්රමවේදය නිසි ලෙස ක්රියාත්මක කිරීමට සෞඛ්ය අමාත්යංශය කටයුතු නොකිරීම හේතුවෙන් මේ වන විට රෝහල් රැසක් සේවා කටයුතු බිඳවැටමින් පවතින බව රජයේ වෛද්ය නිලධාරීන්ගේ සංගමය සඳහන් කරයි.
රෝහල්වල සිදුවන සේවා බිඳවැටීම් හේතුවේන රෝගීන්ට සිදුවන අපහසුතාවන් සෞඛ්ය අමාත්යංශයේ නිලධාරීන් බාරගත යුතු බවද සංගමය අවධාරනය කරයි.
වෛද්යවරුන්ගේ ස්ථානමාරු ක්රියාවලිය නිසිලෙස සිදුකිරීම සදහා සෞඛය අමාත්යංශයේ බලධාරීන් සහ සංගමයේ නිලධාරීන් සාකච්ඡාවට කීපයක් පවත්වා පොදු එකගතාවට පැමිණ තිබු පසුබිමක ස්ථානමාරු ක්රියාවලිය නිසි ක්රමවේදයෙන් බැහැරව වෛද්යවරුන් කීපදෙනෙකු ඉලක්ක කරමින් ක්රියාත්මක කිරීමට සෞඛ්ය බළධාරීන් කටයුතු කරමින් පවතින බව සංගමයේ ලේකම් වෛද්ය ප්රභාත් සුගතදාස පැවසුවේය.
සෞඛ්ය අමාත්යංශය ගෙන යන මෙම අත්තනෝමතික ක්රියාවන් හේතුවන් මේ වන විට රටපුරා ශ්රේණි ව්යෛවරුන් 10000කගේ පමණ ස්ථානමාරු නිසිපරිදි ක්රියාත්ම නොවීම හේතුවෙන් රෝහල් රැසකම කටයුතු බිඳවැටෙමින් පවතින බව වෛද්ය සුගතදාස පෙන්වාදේ.
ස්ථානමාරු ගටලුව හේතුවෙන් ඊයේ (1) දිනය තුළදී දෙහිඅත්තකණ්ඩිය රෝහල තුළ පැවති සංකේත වැඩ වර්ජනය නිසා රෝගින් මහත් අසීරුවකට පත්ව තිබු බවද හෙතෙම පවසා සිටියි.
දෙහිඅත්තකණ්ඩිය රෝහල තුළ ඇති වී තිබෙන ගැටලුකාරී තත්ත්වය නිරාකරණය කර දීමට අම්පාර සෞඛ්ය සේවා අධ්යක්ෂවරයා කටයුතු නොකිරිමට හේතුවෙන් මෙම සංකේත වැඩ වර්ජනය ආරම්භ කළ බවද ලේකම්වරයා සඳහන් කරයි.
