වැඩ තහනමට ලක් කර සිටින පාර්ලිමේන්තුවේ කාර්ය මණ්ඩල ප්රධානී සහ නියෝජ්ය මහ ලේකම් චමින්ද කුමාර කුළරත්න තමන්ට එරෙහි චෝදනා සම්බන්ධව පිළිතුරු ලබා දීමට මාසයක කාලයක් ඉල්ලා තිබේ.
ඒ සඳහා මීට පෙර ලබා දී තිබුණේ දින 14ක කාලයකි.
ඒ අනුව චමින්ද කුමාර කුලරත්න විසින් ඉල්ලූ අතිරේක කාලය ඔහුට ලබා දුන් බව කථානායක කාර්යාලය සඳහන් කළේය.
ඒ අතර චමින්ද කුමාර කුලරත්න සම්බන්ධයෙන් ද ලිපි ගොනුවක් අල්ලස් කොමිසමට මේ වනවිට භාර දී ඇති බව වාර්තා වේ. කථානායක කාර්යාලය සඳහන් කළේ ඔහු සම්බන්ධයෙන් කළ මූලික වාර්තාවේ නිර්දේශ පදනම් කරගනිමින් පාර්ලිමේන්තු කාර්යමණ්ඩල උපදේශක කාරක සභාවේ තීරණයකට අනුව එම ලිපි ගොනුව භාර දුන් බවය.
කාර්ය මණ්ඩල ප්රධානී සහ පාර්ලිමේන්තුවේ නියෝජ්ය මහලේකම්වරයා ලෙස කටයුතු කරමින් සිටිය දී සිය පූර්ව සේවා කාලය සම්බන්ධව වැරදි ප්රවෘත්ති ඉදිරිපත් කිරීම මගින් පාර්ලිමේන්තු නිලධාරීන් නොමග යැවීමට කටයුතු කිරීම සහ එක් අවුරුදු කාලයකට යටත්ව පත්වීමක් ලබා ගැනීමට කටයුතු කර එම තනතුරට නියමිත වැටුප් මට්ටමට වඩා ඉහළ වැටුම් තලයකට අයත් වැටුප් ලබාගෙන පාර්ලිමේන්තුවට මූල්යමය පාඩුවක් සිදුකිරීම යටතේ පාර්ලිමේන්තු කාර්ය මණ්ඩල ප්රධානී සහ නියෝජ්ය මහලේකම් චමින්ද කුමාර කුලරත්නගේ වැඩ තහනම් කර තිබිණි.
