බටහිර වෛද්‍ය විද්‍යාවේදී භාවිත වන රසායනික බෙහෙත් හේත් ආනයන නවත්වා කාබනික බේත් පමණක් භාවිත කරන ලෙස හැකි නම් බලධාරීන්ට බලපෑම් කරන්නැයි රජයේ වෛද්‍ය නිලධාරී සංගමයේ සභාපති වෛද්‍ය පාදෙණියට පේරාදෙණිය විශ්ව විද්‍යාලයයේ රසායන විද්‍යා අංශයේ ජ්‍යේෂ්ඨ මහාචාර්ය ගාමිණි රාජපක්ෂ දන්වා සිටී.
රසායනික පොහොර වගේම රසායනිකවලින් නිපදවුණු ඖෂධත් නියමිත මාත්‍රාවට වැඩියෙන් ගතහොත් හානිකර බවත් කළ යුත්තේ අදාළ රසායනික ගොවිතැනේදීත් බේත් හේත් ලෙස පාවිච්චියේදීත් නිසි ලෙස භාවිතයට ගැනීම බවත් ඔහු සිය ෆේසබුක් ගිණුමේ සටහනක් තබමින් පවසා තිබේ.
මහාචාර්ය ගාමිණී රාජපක්ෂ යනු පසුගියදා ලෝකයේම ප්‍රසිද්ධියට පත් වූ කොවිඩ් වෛරසයට එරෙහිව සාර්ථක ව ක්‍රියා කරන රෙස්පිරොන් නැනෝ තාක්ෂණික නව මුහුණු ආවරණය බිහි කළ පර්යේෂණ කණ්ඩායමේ නායකයාය.ඔහු සිය ෆේස් බුක් ගිණුමේ තබා ඇති සටහන මෙසේ වෙයි.
“ අහිංසක ගොවියගෙ ඉදල කෘෂි ක්ෂේත්‍රයට අදාල සියලුම දෙනාව මේ තරම් අතරමං කරපු ආණ්ඩුවක් ලංකා ඉතිහාසයේ කවදාවත් තිබුණේ නෑ. රටේ ජනතාවට බලපාන තීරණ ගන්න ඕන හොදට හිතල බලල කරුණු කාරණා අධ්‍යයනය කර මිසක් වඳුරන්ගෙන් බණ අහල නොවේ. 69 ලක්ෂයක ජනතාවගෙ තිබුණු විශ්වාසය දැන් බින්දුවට බැහැල. GMOA එතේ ලොක්කට කියන්නකො පුළුවන්නම් මිනිස්සුන්ට දෙන රසායනික බේත් ආනයනය කරන එක නවත්තල කාබනික බේත් වලට යන්න කියල. ඇයි එහෙම කරන්නෙ නැත්තෙ. ඇයි ආයුර්වේද බේත් හේත් වලට යන්නෙ නැත්තෙ. ඇයි ගස්වලට දෙන බේත් සහ ආහාර විතරක් තහනම් කරන්නෙ?.“
“ඔය රසායනික බේතුත් හානිකරයි විශේෂයෙන් අධි මාත්‍රාවෙන් ගත්තොත්. වැඩිය ඕනි නැහැ පැනඩෝල් පෙති දහයක් විතර එකවර බිව්වොත් මොකද වෙන්නෙ. ඕනෑම දෙයක් ඕනවට වඩා හොද නෑ කියන්නෙ ඒකයි. ලෝකෙ කිසිම රටක් 100% කාබනික වගාවට ගිහින් නැත්තෙ ප්‍රායෝගිකව ඒක කරන්න බැරි නිසා. කුඩා ප්‍රමාණවලින් කාබනික වගාව කරන රටවලුත් දස අවුරුදු සැලැස්මකින් තමා එහෙම කරන්නෙ. ඒ දස අවුරුදු කාලෙදි ගොවියන්ට යුරෝ මිලියක 30 ක් විතර බෙදල දීල තියෙනව කාබනික වගාවට හුරු වන්න.“
අනික ඔය කියන කාබනික පෝරවලත් බැර ලෝහ තිබෙනන් පුළුවන්. ඊට අමතරව හානිකර ක්ෂුද්‍ර ජීවීන් ඉන්න පුළුවන්. තෘණ ඇට තියෙන්න පුළුවන්. ඔය කියන කාබනික පෝරවල අවශ්‍ය ප්‍රමාණවලින් පෝෂක අඩංගු වෙන්නෙත් නෑ. N/P/K අවශ්‍ය ප්‍රතිශතයෙන් නෑ. ක්ෂුද්‍ර පෝෂක තියෙනවද දන්නෙ නෑ. කිසිම ප්‍රමිතියක් නෑ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
කාබනික පෝර වල අඩංගු විෂ ද්‍රව්‍ය නිසා CKDU වැඩි වෙන්නත් පුළුවන්. වෙන කිසිම රටක් එක මොහොතෙන් රසායනික පෝර තහනම්කොට 100% කාබනික පෝර වලට යන්න කියල නීති දාල නැත්තෙ ඒ රටවල නායකයො මෙහෙම මෝඩ වැඩ නොකරන නිසා.