මහනුවර දිස්ත්රික්කයේ පොලිස් ස්ථාන කිහිපයක ස්ථානාධිපතිවරු තවමත් බලයේ සිටින්නේ පරණ ආණ්ඩුව යැයි සිතා මැතිවරණ නීතියට අනුව කටයුතු නොකර හිටපු මැති ඇමැතිවරුන් ගේ පෝස්ටර් ඉවත් නොකරන බවට ජනපති ප්රධානත්වයෙන් මහනුවර දී පැවැති ජන රැලියේ දී කේ.ඩී ලාල්කාන්ත කළ ප්රකාශය සම්බන්ධයෙන් පොලීසිය විමර්ශනයක් ආරම්භ කර තිබේ.
සහකාර පොලිස් අධිකාරිවරයෙකු ගේ ප්රධානත්වයෙන් යුත් කණ්ඩායමක් මහනුවරට පැමිණ වත්තේගම, මැණික්හින්න, බලගොල්ල ඇතුළු පොලිස් බල ප්රදේශ කිහිපයකටම ගොස් මේ සම්බන්ධයෙන් කරුණු විමසීම් සිදුකර ඇත.
මැතිවරණ නීති උල්ලංඝනය කරමින් සංග්රහ කිරීම් හා භාණ්ඩ බෙදාදීම සම්බන්ධයෙන් ට්රාන්ස්පේරන්සි ඉන්ටනැෂනල් ආයතනය ඇතුළු ආතනය ගණනාවකින් මැතිවරණ කොමිසමට කළ පැමිණිලි සම්බන්ධයෙන් මැතිවරණ නිලධාරීන් ක්රියාත්මක වීමේ දී මහනුවර ඇතැම් පොලිස් ස්ථාන වලින් ඒ සඳහා යහපත් සහයෝගයක් නොලැබී තිබෙන බව ද දැන ගන්නට තිබේ. ජන රැළියේ දී ලාල් කාන්ත ප්රකාශ කළේ ජතින බලවේගයේ ජන රැළිය තිබෙන ස්ථානය, දිනය සහ වෙලාව සහිතව මැතිවරණ නීතියට අනුගතව සකස් කළ පෝස්ටර් පවා එම පොලිස් ස්ථානවල නිලධාරීන් යොදවා ගලවා දමන බවය.
නමුත් මහින්දානන් අලුත්ගමගේ වැනි දේශපාලකයින් මැතිවරණ නීතිය උල්ලංඝනය කරමින් අලවන ලද පෝස්ටර්වලට අත නොතැබීමට මෙම පොලිසි කටයුතු කරන බව ලාල් කාන්ත හෙළි කළේය. මේ සියලුම සිදුවීම් එසැනින් වාර්තාවන බවත්, හැකි ඉක්මනින් නිවැරදි වනලෙස එම පැරණි දූෂිත ක්රියාවලියේ යෙදෙන නිලධාරීන්ගෙන් ඉල්ලා සිටින බවත් ලාල් කාන්ත ජන රැළියේ දී පැවසුවේය.
