ඉදිරි 2025 වසර සඳහා ගෑස් මෙට්රික් ටොන් 3,50,000ක් සැපයීම සඳහා වූ අන්තර්ජාතික ටෙන්ඩර් කැඳවීමේ දී අවශ්ය තාක්ෂණික සුදුසුකම් සපුරා ඇති තම ආයතනය විසින් ඉදිරිපත් කළ ටෙන්ඩරය විවෘත නොකර එම ගෑස් සැපයීම 2024 සැපයුම්කරු වෙතම ලබා දීමට ලිට්රෝ ගෑස් සමාගමේ හිටපු අධ්යක්ෂ මණ්ඩලය කටයුතු කිරීම සම්බන්ධවත් ලංසුකාර සමාගමක් වූ තායිලන්තයේ සියම් ගෑස් සමාගම ජනාධිපති ලේකම් කාර්යාලයේ ප්රසම්පාදන කමිටු සභාපතිවරයා වෙත ලිඛිතව දන්වා ඇතැයි වාර්තා වේ.
සියලුම තාක්ෂණික සුදුසුකම් සපුරා ඇති නමුත් ගෑස් ප්රවාහන නෞකා සම්බන්ධයෙන්වන තාක්ෂණික පිරිවිතර නොගැලපෙන බවට සඳහන්කරමින් ලිට්රෝ ගෑස් සමාගම මෙම ටෙන්ඩරය විවෘතකිරීමකින් තොරව ප්රතික්ෂේප කර ඇති බවට සියම් ගෑස් සමාගමේ කළමනාකාර අධ්යක්ෂ සුපචි වීරබෝවොපොන්ග් සිය අභියාචනයෙන් දන්වා ඇත.
ඔවුන් ඉන් ඉල්ලා ඇත්තේ සියලු තාක්ෂණික සුදුසුකම් සපුරා ඇති ජාත්යාන්තර තලයේ සමාගමක්වන තම සමාගමේ ටෙන්ඩරය ද විවෘත කර මිල ගණන් සම්බන්ධයෙන් සලකා බැලීමට කටයුතු කරන ලෙසය .
මේ පිළිබඳව කරුනු විමසීම සඳහා ජනාධිපති කාර්යාලය විසින් අදාල බලධාරීන් කැඳවා ඇති බව ආරංචි මාර්ග සඳහන් කරයි. – මව්බිම
