ගිනිගෙන මුහුදුබත් වෙමින් පවතින එක්ස්ප්‍රස් පර්ල් නෞකාව සම්බන්ධයෙන් පාර්ලිමේන්තු තේරීම්කාරක සභාවක් පත්කරන ලෙස එක්සත් ජාතික පක්ෂ නායක රනිල් වික්‍රමසිංහ රජයෙන් ඉල්ලීමක් කරයි.
සමාජ මාධ්‍ය වෙත වීඩියෝවක් නිකුත් කරමින් ඔහු මෙම ඉල්ලීම කර ඇත.
ඔහු පෙන්වා දෙන්නේ එම නැව කොළඹ වරායට ඇතුළු වූ පසුව ගිනිගැනීමට ලක්වූයේ නම් වරායේ ගොඩනැගිලිවල සිට ෂැංග්‍රිලා හෝටලය දක්වා සියල්ල වීනාශ වීමට ඉඩ තිබූ බවයි. එසේ නම් තත්ත්වය වඩාත් නරක අතට හැරෙන බව ද හෙතෙම කීය.
“සමුද්‍රීය පරිසර ආරක්ෂණ අධිකාරිය අනතුරු ඇඟවූයේ සමුද්‍රීය පරිසරයට ගින්නෙන් හානිවීමේ අවදානමක් පවතින බවයි. මෙය “දෙවන පෙළ” ව්‍යසනයක් ලෙස හැඳින්වෙනවා. මෙයින් අදහස් කරන්නේ ගින්න පාලනය කිරීම ශ්‍රී ලංකාවට අපහසු නම් එයට බාහිර උපකාර අවශ්‍ය විය හැකි බවයි. ආධාර අවශ්‍ය බව ජාත්‍යන්තර සමුද්‍රීය සංවිධානයට (අයිඑම්ඕ) දැනුම් දී තිබුණත්, ශ්‍රී ලංකා රජය හෝ මෙපා ආයතනය ජාත්‍යන්තර ආධාර ඉල්ලා සිටියේ නෑ, ”වික්‍රමසිංහ මහතා අවධාරණය කළේය.
“රජය විසින් මැයි 20 සිට මැයි 25 දක්වා පවත්නා නීති බලාත්මක නොකළේ ඇයි? එය වඩාත්ම වැදගත් ප්‍රශ්නයයි. එවැනි තත්වයක් තුළ ආපදා කළමනාකරණ පනත යටතේ ජාතික ආපදා කවුන්සිලය කැඳවිය හැකියි. එමෙන්ම වෙරළබඩ කලාපයේ ආපදා තත්ත්වයක් ප්‍රකාශයට පත් කිරීමට හැකියාවක් තිබුණා ”ඔහු විමසා සිටී.
“ජනාධිපති, අගමැති, විපක්ෂ නායක සහ විපක්ෂ මන්ත්‍රීවරුන් 5 දෙනෙකු ඇතුළු අමාත්‍යවරුන් 20 දෙනෙකුගේ සහභාගීත්වයෙන් මෙම ජාතික ආපදා කවුන්සිලය පිහිටුවිය හැකියි වෙරළාරක්ෂක බලකාය වෙනුවෙන් ජාතික සභාව රැස්වී තීරණ ගත හැකිව තිබුණා.. නමුත් කිසිවෙකු එවැනි තීරණයක් ගත්තේ නෑ. ජාතික ව්‍යසනයක් සිදුවනු ඇතැයි ප්‍රකාශයට පත් කර ඇත්නම් ගින්න නිවා දැමීම සඳහා අපට විදේශ ආධාර ලබා ගත හැකිව තිබුණා. ගින්න පැතිරීමත් සමඟ ඉන්දියාවෙන් ගින්න නිවා දැමීමට අපට උපකාර ලැබුණා. ඉන්දියාවට දැනුම් දීම ප්‍රමාද වී ඇති නිසා ගින්න පාලනය කර ගත නොහැකි වුණා. යුරෝපයට හා නැගෙනහිර ආසියානු රටවලට එවැනි රසායනික නෞකාවක ඇතිවන ගීනිගැනීම් ගැන විශාලතම දැනුමක් තිබෙනවා.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
“ගින්න නිවා දැමීමට ජාත්‍යන්තර සමුද්‍රීය සංවිධානයට දැනුම් නොදුන්නේ ඇයි සහ ගින්න නිවා දැමීමට ජාත්‍යන්තර ආධාර ඉල්ලා නො සිටියේ ඇයි? ගින්න වර්ධනය වී විනාශයට පත්වෙන්න ඉඩදුන්නේ ඇයි? මෙම ප්‍රශ්න මතු වී තිබෙනවා. අපගේ අනාගතයට සිදුවන හානිය ගැන අප නොසිතුවේ ඇයි? ආර්ථිකය සහ මෙම ගින්නෙන් පරිසරයට සිදුවන හානිය? රජය සහ සමුද්‍රීය පරිසර ආරක්ෂණ අධිකාරිය මේ කාරණා ගැන සිතා බැලිය යුතුව තිබුණා. නයිට්‍රික් අම්ලය මිශ්‍ර වීම හේතුවෙන් ශ්‍රී ලංකාවේ මුහුදේ කොළඹ අවට කොරල් පර විනාශ වීමේ අවදානමක් පවතිනවා. කොළඹ කොරල් පර නිසා තමයි අපි සුනාමි ව්‍යසනයෙන් බේරුණේ ”යැයි ඔහු පැවසීය.