ඉතිහාසයේ දිවයින තුළ දී මත්ද්රව්ය ජාවාරමෙන් උපයා ගත් බවට තහවුරුවන වැඩිම මුදල වූ කෝටි 28ක මුදලක් කුරුණෑගල ප්රදේශයේ නිවසක තිබී පොලිස් මත්ද්රව්ය නාශක කාර්යාංශයෙන් නිලධාරීන් විසින් සොයා ගත් බව වැඩ බලන පොලිස්පති ප්රියන්ත වීර සූරිය අද මාධ්ය අමතා පැවසුවේය.
ඔහු මේ බව පැවසුවේ රජයේ ප්රවෘත්ති දෙපාර්තමේන්තුවේ අද පැවති මාධ්ය හමුව අමතමිනි. වැඩ බලන පොලිස්පතිවරයා පවසන්නේ දැනට බන්ධනාගාර ගතව සිටින මත්ද්රව්ය ජාවාරම්කරුවකු විසින් බන්ධනාගාරයේ සිට මෙම ජාවාරම මෙහෙයවා තිබෙන ආකාරය ය.
මෙම වැටලීමේ දී ඈත ගමක ඉතාම දුප්පත් නිවසක රඳවා තිබූ කැබ් රථයක් සහ වෑන් රථයක් ද අයිස් මත්ද්රව්ය ග්රෑම් 18ක්, පොලිස් භාරයට ගෙන ඇත.
” ප්රධාන සැකකරු පිටුපස සිටින දෙවන සහ තෙවන පෙලේ ජාවාරමට සම්බන්ධ සැකකරුවන් 1415ක් හඳුනා ගැනීම සඳහා පොලිසිය විමර්ශන සිදු කරනවා…” වැඩ බලන පොලිස්පතිවරයා පැවසීය.
වත්මන් රජය පත් වූ දිනයේ සිට මේ දක්වා පොලිසිය විසින් සිදු කරන ලද මත්ද්රව්ය වැටලීම්වලින් හෙරොයින් කිලෝ 373ක්, ගංජා සහ කේරළ ගංජා කිලෝ 3504 ක්, අයිස් මත්ද්රව්ය කිලෝ 751ක්, කොකේන් කිලෝ 3.7ක් ඇතුළු මත්ද්රව්ය තොගයක් අත්අඩංගුවට ගෙන ඇති බවද ඔහු කීවේය.
