ලලිත් චාමින්ද –
ගෙවිමට ඇති රාජ්ය ණය ප්රමාණය මෙම වර්ෂයේ (2024) ජුනි මස අවසන් වනවිට රුපියල් බිලියන 28,563.4 එනම් ට්රිලියන (28.56)ක් දක්වා වැඩිවි ඇති බැව් පාර්ලිමේන්තුවට ඉදිරිපත්කොට ඇති පූර්ව මැතිවරණ අයවැය තත්ත්වය පිළිබද වාර්තාවේ සඳහන් වේ.
ඉකුත් වර්ෂයේ (2023) මෙම කාලසිමාව තුළ ගෙවිමට තිබුණ රාජ්ය ණය ප්රමාණය රුපියල් බිලියන 26,916.2කි. (එනම් ට්රිලියන 26.92) කි. ඒ අනුව ඉකුත් වර්ෂයේ (2023) මුල්මාස හයට සාපේක්ෂව මෙම වර්ෂයේ මුල්මාස හය තුළ ගෙවිමට ඇති රාජ්ය ණය ප්රමාණය සියයට 6.1කින් වැඩිවි ඇති බවද මෙම වාර්තාවේ සදහන් වේ.
මෙම වර්ෂයේ ජුනි මස අවසන්වනවිට ගෙවිමට ඇති දේශිය ණය ප්රමාණය රුපියල් බිලියන 17,555.21කි. ( දළ වශයෙන් ට්රිලියන 17.56කි.).
මින් භාණ්ඩාගාර බිල්පත් මගින් රුපියල් බිලියන 3,883.09ක ( දළ වශයෙන් ට්රිලියන 3.9ක්) මුදලක් සහ භාණ්ඩාගාර බැදුම්කර මගින් රුපියල් බිලියන 12,767.06ක මුදලක් ( දළ වශයෙන් ට්රිලියන 12. 77ක්) ලබාගෙන තිබුණි.
ගෙවිමට ඇති විදේශය ණය ප්රමාණය රුපියල් බිලියන 11,008.23 කි. දළ වශයෙන් ට්රිලියන 11කි.
ට්රිලියනයක් යනු කුමක් ද?
මිලියනයක් යනු ලක්ෂ 10 කි. එවැනි මිලියන 1000 ක් බිලියනයකි. බිලියන 1000 ක් ට්රිලියන 1 කි. ට්රිලියන 1ක් යනු ලක්ෂ 1,000,000,000,000කි. එනම් රුපියල් කෝටියේ එව්වා ලක්ෂයකි. ඒ අනුව දල වශයෙන් ගෙවීමට ඇති මුලු ණය කෝටියේ එව්වා විසි අට ලක්ෂ පනස් දහසකි.
මුහුණු පොතේ තිබුණු සරල තේරුම් ගත හැකි විග්රහය
මේ ණය සම්බන්ධව හුදී ජන අවබෝධය සඳහා මුහුණු පොතේ මෙවැනි අපූරු පැහැදිලි කිරීමක් තිබිණි. ඒ පැහැදිලි කිරීම කර තිබෙන්නේ පන්දේහේ කොල එක උඩ එක තිබ්බට පස්සේ එන උසෙනි. මුල් හිමිකරුට ගෞරවය දෙමින් එය උපුටා දක්වමු.
- බියගම ෆැක්ටරියෙන් අච්චු ගහන ලක්ෂ දහයක් ඒ කියන්නේ මිලියන 01ක් පන්දාහේ කොල වලින් උස ගත්තොත් සෙන්ටි මීටර 2යි. ඒ කියන්නෙ 2cm උසයි.
අපි බලමු පන්දාහෙ කොල අරන් එක උඩ එක තිබ්බොත් ට්රිලියන 28.5ක් කොච්චර උසද කියලා
- මිලියන 1ක් = සෙන්ටිමීටර 2ක් උසයි.
- මිලියන 10ක්, ඒ කියන්නේ රුපියල් කෝටියක් = සෙන්ටි මීටර් 20ක් උසයි.
- බිලියන 1ක් කියන්නේ මිලියන 1000ක්. එතකොට බිලියනයක් පන්දාහේ කොළවලින් එක උඩ එක තියලා මිටියක් බැන්දොත් සෙන්ටි මීටර 2000ක් ඒ කියන්නේ මීටර 2ක් උසයි.
- ට්රිලියන 1ක් කියන්නේ බිලියන 1000ක්. ඒ කියන්නේ කොල මිටියේ උස සෙන්ටි මීටර ලක්ෂ 20ක් වෙනවා. හරියටම කිව්වොත් කිලෝ මීටර 20ක්.
ඔය 20km කියන්නේ එක ට්රිලියනයක් පන්දාහේ කොළ එක උඩ එක තිබ්බොත් උස. ඕක වැඩි කරන්න ඕන් 28.5න්. මොකද අපි ට්රිලියන 28.5ක් දළ වශයෙන් ණයයි.
- 20 X 28.5 = ඒ කියන්නෙ කිලෝ මීටර 570ක්. දෙවුන්දර තුඩුවේ ඉදන් පේදුරු තුඩුවට දුර කිලෝ මීටර 525 යි. එතකොට අපේ රටේ මුලු ණය දෙවුන්දර තුඩුවෙ ඉදන් පේදුරු තුඩුවටත් පන්නලා තව කිලෝ මීටර 45ක් මුහුදට යනවා. ඉන්දියාව ලඟටම.
