-
පොලිස් බල ප්රදේශ ගණනක් පහුකරන් නුගේගොඩ සිට කඩුගන්නාවටම ඇවිත්… හෙළුවෙන් යන මිනිහෙකුට වටේ පිටේ අය දක්වන ප්රතිචාර ගැන බලන්න හිතුනලු…. අත් අඩංගුවට ගත් තරුණයා පොලිසියට කියයි!
ඇඟේ නූල් පටක්වත් නැතිව අමු නිරුවතින් නුගේගොඩ සිට මහනුවරට යතුරු පැදියකින් පැමිණෙමින් සිටි 25 හැවිරිදි පුද්ගලයෙක් කඩුගන්නාවේ දී මාර්ග බාධක දමා අත් අඩංගුවට ගැනීමට කඩුගන්නාව පොලිසිය කටයුතු කර ඇත.
නුගේගොඩ සිට පොලිස් බල ප්රදේශ ගණනාවක් පසුකරමින් කිසිම පොලිස් නිලධාරියෙකුගේ බාධා කිරීමකට ලක් නොවී නිරුවතින් කඩුගන්නාව තෙක් පැමිණි මෙම පුද්ගලයා හිස් ආවරණයක්වත් පැළඳ නොසිටීම විශේෂ සිද්ධියකි.
ඔහුව අත් අඩංගුවට ගැනීමට කඩුගන්නාව පොලිසිය මාර්ග බාධක දමා ඇත්තේ කෑගල්ල පොලිසියෙන් ලද තොරතුරක් මත බව පැවසේ.
අහංගම පදිංචිකරුවෙක් වූ මෙම පුද්ගලයා කඩුගන්නාව පොලිසියට පවසා ඇත්තේ නිරුවතින් යතුරුපැදියක යන පුද්ගලයෙකුට මිනිස්සුන්ගෙන් ලැබෙන ප්රතිචාරය කුමක්දැයි බැලීම සඳහා මේ ගමන පැමිණි බවය.
ඔහුව අත් අඩංගුවට ගත් කඩුගන්නාව පොලිසිය පවසන්නේ අධිකරණයට ඉදිරිපත් කර ලබා ගන්නා මනෝ වෛද්ය වාර්තාවක් සමග ඉදිරි කටයුතු සිදුකරන බවය.
