බස්නායක නිලමේවරුන් ඉලක්ක කරගෙන සමාජ මාධ්ය ඔස්සේ ප්රචාරයවන චෝදනා කිසිදු සත්යතාවයකින් තොර හිතලු බවත්, එවන් ප්රචාරයන්ට නොරැවටෙන ලෙසත් සමස්ථ ජනතාවගෙන් ඉල්ලා සිටින බව සමස්ථ ලංකා බස්නායක නිලමේවරුන්ගේ සංගමය නිවේදනයක් නිකුත් කරමින් ප්රකාශ කරයි.
එම සංගමයේ ලේකම් ප්රියන්ත බණ්ඩාර ජයසුන්දර බස්නායක නිලමේවරයාගේ අත්සනින් යුතුව නිකුත් කර ඇති එම නිවේදනයේ දැක්වෙන්නේ දළදා මාළිගාවේ දියවඩන නිලමේ නිලවරණයත් බොහෝ දේවාලයන්හි බස්නායක නිලමේ තෝරන නිලවරණත් පැත්වෙන වකවානුවක් තුළ මෙවැනි අපහාසාත්මක ප්රකාශ සිද්ධ වනුයේ අදාල නිලවරණ ඉලක්ක කරගනිමින් බවය.
බස්නායක නිලමේවරයෙකුටද ක්රියාත්මක වන්නේ රටේ නීතිය බැවින් කිසියම් බස්නායක නිලමේවරයෙක් සම්බන්ධව ඔප්පු කරගත හැකි දූෂණයක් ඇතිනම් සමාජ මාධ්ය ඔස්සේ නින්දා නොකර අවශ්ය නීතිමය පියවර ගන්නා ලෙසත් බස්නායක නිලමේවරුන්ගේ සංගමය ද ඊට උපරිම සහාය දෙන බවත් එම නිවේදනයේ දැක්වේ.
මෙම ප්රකාශයට හේතු වන්නේ අස්ගිරි පාර්ශවයේ පුත්තලම දිසාවේ ප්රධාන සංඝනායක මිගෙට්ටුවත්තේ සුසීම හිමියන් විසින් අනිවත්තේ ගණිකා මඩමක් පවත්වාගෙන ගිය බස්නායකවරයෙකුගේ බිරියක් සම්බන්ධව ජනාධිපතිවරයාටත් පොලිස්පතිවරයාටත් යැවූ ලිපියක් මුල්කරගෙන සමාජයේ ඇතිවූ කතිකාවය.
බස්නායක නිලමේවරුන්ගේ සංගමය නිකුත් කළ නිවේදනය පහත දැක්වේ.
