පිල්ලෙයාන් මන්ත්රීවරයාගේ දේශපාලන සමීපතමයෙක් සහ ඔහුගේ පක්ෂයේ සංවිධායකවරයෙක් ලස කටයුතු කරන මඩකලපුවේ ප්රධාන පෙළේ ජාතික පාසලක ගුරුවරයෙක් පාසල් සිසුවියක් අපයෝජනය කිරීමේ අපරාධයට එරෙහිව ක්රියාත්මක වන ලෙස ජනාධිපති ලේකම් කාර්යාලයෙන් එන නියෝග පවා මඩකලපු පොලිසිය විසින් නොසලකා හැරීමේ අපරාධයක් සම්බන්ධව මඩකලපු දිස්ත්රික් පාර්ලිමේන්තු මන්ත්රී ෂානක්කියන් රාජපුත්තිරන් රාසමාණික්කම් අද (07) පාර්ලිමේන්තුවේ දී හෙළි දරවු කළේය.
ඔහු පැවසුවේ මෙම ළමා අපාචාරක ගුරුවරයා පිල්ලෙයාන්ගේ දේශපාලන බලය මත නීතියට උඩින් හිඳිමින් පොලිසිය හසුරුවන ආකාරය ය.
මන්ත්රීවරයා මෙසේ ද පැවසුවේය.
කෝපිනාත් කියලා ගුරුවරයෙක් ඉස්කෝලේ ගෑණු දරුවෙක් අපයෝජනයට ලක් කරලා. ඒ දරුවා ජනාධිපතිතුමාට ලියලා.
ජනාධිපති ලේකම් කාර්යාලයෙන් ජූලි 12 එවලා තියනවා මෙයාව වහාම අත් අඩංගුවට අරන් මේ සම්බන්ධව ක්රියාත්මක වෙන්න කියලා. අද වෙනතුරු පොලිසියෙන් මැදිහත් වෙලා මෙයාව අත් අඩංගුවට ගන්නේ නෑ.
පොලිසිය කියනවා ඔහු නීතිඥයෙක් මාර්ගයෙන් ඇවිත් බාර වෙයි කියලා. පොලිසියේ රාජකාරිය ඒක නෙමෙයි. කොපිනාත් කියන පුද්ගලයා පිල්ලෙයාන් මින්ත්රීවරයාගේ පක්ෂයේ සංවිධායකයෙක් කියලා එයා ප්රසිද්ධියෙ කියනවා.
ගෑනු ළමයි දෙනනෙක් තමයි ආර්ට්ස් කරන්නේ. එක ගෑනු ළමයෙක් ආවෙ නැති වුනාම මෙයා කියනවලු ඔයා මං කියන විදිහට හිටියෙ නැතිනම් ඔයාට තව තව ප්රශ්න එයි කියලා.
මේ අවස්ථාවේදී අධ්යාපන ඇමති සුසිල් ප්රේමජයන්ත කීවේ අධ්යාපන අමාත්යාංශය විසින් මැදිහත් වී නියෝජ්ය පොලිස්පතිවරයාට වහාම නීතිය ක්රියාත්මක කරන ලෙස දැනුම් දෙන බවය.
