එක්සත් ජනරජය පෙරමුණ නමින් නව දේශපාලන පක්ෂයක් එළිදක්වන බව පාර්ලිමේන්තු මන්ත්රී පාඨලී චම්පික රණවක මල්වතු අස්ගිරි මහනායක ස්වාමීන් වහන්සේ දෙනම හමුවේ අද පෙරවරුවේ ප්රකාශ කළේය.
ජනරජ දිනය යෙදෙන මැයි මස විසිදෙ වෙනි දින නව පක්ෂය එළිදක්වන බව ද හෙතෙම කීය.
දේශපාලන කරලියේ නව ප්රවණතාවයන් සමඟ පරම නව දේශපාලන ව්යාපාරයන් සඳහා අවස්ථාවන් හිමිවන බවද, නව දේශපාලන ක්රියාවලියක් උදෙසා නව පක්ෂය බිහි කරන බව ද පාඨලි චම්පික රණවක කීය.
දේශපාලන කරළිය දෙස බලන විට පෙනෙන්නට තිබෙන්නේ සම්ප්රදායික දේශපාලන පක්ෂ අතුගෑවී ගොස් තරුණ දේශපාලන ව්යාපාර සඳහා මං පෙහෙළි හෙළිකර තිබෙන බව යැයි ඔහු කීවේය.
අනාගත වැඩපිළිවෙළ සඳහා රට ගොඩනගන දැක්ම විසිදෙවැනි දින එළිදක්වන බව ද හෙතෙම පැවසුවේය.
ණය බරින් මිරිකී තිබෙන රාජ්ය ආයතන ලාභ ලබන තත්ත්වයට පත්කර ගැනීම සඳහා වන නව යෝජනා රැසක් නව පක්ෂය හරහා එළිදක්වන බව ද සියලු සැලසුම් ප්රායෝගික වැඩපිළිවෙළක් හරහා ජනසතු කිරීම අරමුණ බවද හෙතෙම කීය.