පළාත් පාලන මැතිවරණය පවත්වා අදට මාස දෙකකට වැඩි කාලයක් ගොස් ඇතත් විවිධ හේතු මත පළාත් පාලන ආයතන පනහක පමණ බලය පිහිටුවීමට තවමත් හැකිවී නැතැයි රාජ්ය පරිපාලන පළාත් සභා හා පළාත් පාලන අමාත්ය ආචාර්ය චන්දන අබයරත්න පවසයි.
සභා රැස්වීම සඳහා ඝණ පූරණය නොමැති වීම ඇතැම් සභිකයන්ගේ නම් ගැසට් නොකිරීම සහ යම් යම් අධිකරණය නියෝග යනාදිය හේතුවෙන් මෙම සභා පිහිටුවීමට නොහැකිව තිබෙන බවද ඔහු ප්රකාශ කළේය.
රුපියල් කෝටි 1100කට ආසන්න මුදලක් වැය කරමින් පළාත් පාලන ආයතන 331 ක් පිහිටුවීම සඳහා පළාත් පාලන මැතිවරණය පැවැත්වුණේ පසුගිය මැයි මස 6 වැනිදාය.
ප්රාදේශීය සභා 274ක් මහ නගර සභා 27ක් සහ නගර සභා 36ක් වෙනුවෙන් පැවති මෙම ඡන්ද විමසීමට පිළිගත් දේශපාලන පක්ෂ වලින් සහ ස්වාධීන කණ්ඩායම් වලින් අපේක්ෂකයෝ අටදහසකට වැඩි පිරිසක් සහභාගි වුහ. ( ලංකාදීප)
