පරිසරය ආරක්ෂා කිරීමට කැපනොවන සමාගම්වලින් ආයෝජන ඉවත් කරගන්නා ලෙස අතිඋතුම් ෆ්‍රැන්සිස් පාප්වහන්සේ ජනතාවගෙන් ඉල්ලා සිටී. ඒ කොරෝනා වෛරස් වසංගතයෙන් මතුවන ආර්ථික ආකෘතිය තිරසාර එකක් බවට පත් කිරීම සඳහා වන වැඩසටහන වෙත ඔහුගේ හඬ එක් කරමිනි.
“ දේශගුණික විපර්යාස පිළිබඳ ක්‍රියාත්මක වීම සඳහා කැඳවීමේ ගෝලීය ගණනය ” නමින් වන ඔන්ලයින් වැඩසටහනකට වීඩියෝ පණිවිඩයක් මගින් පාප්වහන්සේ මෙම ප්‍රකාශය කළේය.
“විද්‍යාව අපට පවසන්නේ, රැඩිකල් හා විනාශකාරී දේශගුණික විපර්යාසයන් වළක්වා ගැනීමේ බලාපොරොත්තුවක් අපට තිබේ නම්, සෑම දිනකම වඩාත් නිරවද්‍යතාවයෙන් යුතුව, අපි කඩිනමින් ක්‍රියා කළ යුතු බවයි.” ඔහු පැවසීය.
පාප්වහන්සේ විසින් මේ පිළිබඳ ක්‍රියාකාරී සැලසුම් තුනක් ඉදිරිපත් කර තිබේ. පරිසරය පිළිබඳ වඩා හොඳ අධ්‍යාපනය, තිරසාර කෘෂිකර්මාන්තය සහ පිරිසිදු ජලය සඳහා ප්‍රවේශ, පොසිල ඉන්ධනවලින් ඉවත් වීම එම සැලසුම් ය.
“මෙම වෙනස දිරිගැන්වීම සඳහා එක් ක්‍රමයක් පවතී. එනම්, අපගේ පොදු අත්‍යවශ්‍ය සත්කාර වෙනුවෙන් කැපවීමේ හදිසි අවශ්‍යතාව පිළිබඳ සමාගම්වල අවධානය යොමු කිරීමයි.” මෙම පරාමිතීන් සපුරාලන්නේ නැති සමාගම් වෙත ආයෝජන ලබා දීම හැර…” ඔහු කීය.
මේ වනවිට පවතින වසංගතය, දේශගුණික අර්බුදය හා ඒ ආශ්‍රිත සමාජ ගැටලු විසඳීමේ අවශ්‍යතාව වඩාත් දැඩි කර ඇති බව ඔහු පැවසීය.
“වර්තමාන ආර්ථික ක්‍රමය තිරසාර නොවේ. බොහෝ දේ ගැන නැවත සිතා බැලීම සඳහා අප සදාචාරාත්මක අවශ්‍යතාවයකට මුහුණ පා තිබේ” යනුවෙන් ඔහු පැවසීය. නිෂ්පාදන මාධ්‍යයන්, පාරිභෝගිකවාදය, අපද්‍රව්‍ය, දුප්පතුන් කෙරෙහි උදාසීනත්වය සහ හානිකර බලශක්ති ප්‍රභවයන් ලැයිස්තුගත කිරීම ආදිය ඒ අතර වේ.
ජුනි මාසයේදී වතිකානුව කතෝලිකයන්ගෙන් ඉල්ලා සිටියේ ආයුධ හා පොසිල ඉන්ධන කර්මාන්තවලින් ඉවත් වී පරිසරයට සිදුවිය හැකි හානිය අවම කිරීම සඳහා පතල් කැණීම් වැනි අංශවල සමාගම් නිරීක්ෂණය කරන ලෙසයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
ජනප්‍රිය නිළියක වන ජේන් ෆොන්ඩා, බ්‍රිතාන්‍යයේ විලියම් කුමරු, හිටපු එක්සත් ජනපද උප සභාපති අල් ගෝර් සහ යුරෝපීය කොමිසමේ සභාපති උර්සුලා වොන් ඩර් ලේයන් යන අය මෙම උත්සවයේ අනෙකුත් කථිකයින් සහ ක්‍රියාකාරීහු වූහ.