කොවිඩ් රෝග ලක්ෂණ පහළ වූ වහාම පරීක්ෂා කරගන්නා ලෙසත්, එයට සිදු නොකර රෝග ලක්ෂණ මතු වුවත් ගෙදරටම වී සිටින පුද්ගලයින් අසාධ්‍ය වී රෝහලට පැමිණිම නිසා කොවිඩ් මරණ අනුපාතය වැඩි වී ඇති බවත් ශ්‍රී ලංකා වෛද්‍ය සංගමයේ සභාපති විශේෂඥ වෛද්‍ය පද්මා එස්.ගුණරත්න පැවසුවාය.
රෝහල් හෝ ප්‍රතිකාර මධ්‍යස්ථානයකට කැඳවන තුරු නිවෙස්වල සිටින්නට සිදුවන රෝගීන්ට රෝගය අනෙක් අයට බෝ නොවන සේ පැවැත්ම වැදගත් බව ද විශේෂඥ වෛද්‍යවරිය පෙන්වා දුන්නාය.
“ හැකි උපරිමයෙන් මේ උපදෙස් පිළිපදින්න. හැකිනම් මුලින්ම වාතාශ්‍රය සහිත වෙනම කාමරයකට රෝගියා යොමු කරන්න. කළ යුතු මුල්ම වැදගත්ම දේ එයයි.
හැකිනම් වෙනම වැසිකිලියක් භාවිත කරන්න. නැතිනම් වැසිකිලිය භාවිත කරන සෑම අවස්ථාවකම විෂබීජ හරණය වන අකාරයට වැසිකිලිය පවිත්‍ර කරන්න.
තමුන් ආහාර ගන්නා පිඟාන කෝප්පය පමණක් වෙන්ව තබාගෙන පාවිච්චි කරන්න. උණට පැරසිටමෝල් පමණක් ඖෂධය විතරක් ගන්න. දියර වර්ග වැඩිපුර බොන්න.
මේ ආකාරයෙන් පසුවෙද්දි රෝග තත්වය වැඩි වන බව තේරෙනවා නම්, හුස්ම ගන්න අපහසු බව වැටහෙනවා නම් හැකි ඉක්මනින් වෛද්‍ය ප්‍රතිකාර කරා යොමු වීම සඳහා සෞඛ්‍ය අංශ දැනුවත් කරන්න.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්‍රෑම් සමූහයන්ට එක්වෙන්න.
විශේෂඥ වෛද්‍යවරිය කීවාය.