සූරියවැව නුවන් ජයසේකර –
තිස්සමහාරාම අලුත්ගොඩ ප්රදේශයේ ඉඩමක පුරාවස්තු සොයා අනවසර කැනීමක් සිටි පිරිසක් අත්අඩංගුවට ගැනීමට සිදුකල වැටලිමකදි පළායමින් සිටි සැකකරුවෙකු බිම ඇද වැටී මිය ගොස් සිටිය දී හමුවි ඇත.
බිම ඇදවැටුන සැකකරු පොලිසිය විසින් ඊයේ (23 ) රාත්රියේ දි වහාම රෝහල්ගත කළ නමුත් ඔහු රෝහල්ගත කරන විටත් මියගොස් සිට ඇතැයි තිස්සමහාරාම පොලිසිය පවසයි.
මෙලෙස මියගොස් ඇත්තේ අංක 53, රණසිරිපුර, වීරවිල පදිංචි අබේනායක ගුණසිරි නැමති 56 හැවිරිදි පුද්ගලයෙකි.
තිස්සමහාරාම පොලිස් වසමේ අලුත්ගොඩ ප්රදේශයේ ඉඩමක නිධන් හාරන බවට තිස්සමහාරාම පොලීසියට ලද තොරතුරකට අනුව පොලිස් නිළධාරීන් කණ්ඩායමක් විසින් ඊයේ රාත්රි 6.30 ට පමණ මෙම වැටලීමක් සිදුකර තිබේ.
පොලිස් නිළධාරීන් වැටලිම සිදුකරන අවස්ථාවේ එහි සිටි සැකකරුවන් පළාගොස් තිබේ. පසුව පොලිස් නිළධාරීන් විසින් අවට පරීක්ෂා කරන විට දිවයාමේදී බිම ඇද වැටී සිටි එක් සැකකරුවෙකු දැක වහාම ප්රතිකාර සදහා තිස්සමහාරාම රෝහලට ඇතුළත් කර ඇති නමුත් රෝහල්ගත කරන විටත් සැකකරු මියගොස් සිට තිබේ.
සිද්ධියට අදාලව පළාගිය සැකකරුවන් තිදෙනෙකු තිස්සමහාරාම පොලිසිය විසින් අත්අඩංගුවට ගෙන ඇති අතර සැකකරුවන් තිස්සමහාරාම මහේස්ත්රාත් අධිකරණයට ඉදිරිපත් කිරීමට නියමිතය.
සිද්ධිය සම්බන්ධයෙන් තිස්සමහාරාම පොලිසිය වැඩිදුර විමර්ශන පවත්වයි.
